【出Pool补习班#13】暗恋兴趣班男生　专家教单身女点畀暗示

爱情求生手册！情路上陷阱处处，一不留神激嬲男/女朋友，从此过著惨痛的生活。香港地岂止生仔、担遮要考牌，《开罐》为各位爱情新牌仔，增加情场求生技。
📧 如果你遇上感情难题，可以email到opener@hk01.com，《拍拖要考牌》会邀请专家免费为你解答。 📧

最近《开罐Opener》收到署名 L 的读者来信。L 在兴趣班上认识了一名男生，并对其有好感，想于近期聚会中向男生示好，“我想有啲暗示、好印象留俾佢，令佢对我有感觉”。但 L 又担心太进取会吓走他，故投稿向专家求救如何是好，以下是来信全文：

致《出Pool补习班》：

三月时喺个兴趣班识咗个男仔，虽然个班都有唔少女仔，但睇得出异性嚟讲佢同我比较熟，唔够一个月后我钟意咗佢。期间我地上堂都会倾计，我有嘢唔识佢就会讲笑话“你真系好蠢”，然后照顾我、教我。但我迟迟唔敢约佢出街、whatsapp揾佢，上完十堂之后到宜家有两个月冇见。于是朋友们故意开个群组，周不时约大家出嚟玩或者食饭，迟啲我哋几个朋友会出嚟玩，我想有啲暗示、好印象留畀佢，令佢对我有感觉，但唔知点做好，我怕太进取会吓走佢。

想同呢个男仔拍拖嘅女仔 L 上

从事配对行业已经9年的Speed Dating Fever 负责人Frankie Wong 指，“正所谓男追女隔重山，女追男隔层纱，基本上如果一位女仔钟意一位男仔，如果该女仔外貌不是太差的话，基本上都不需要什么技巧就可以成功”。

Frankie补充，可以藉一些机会在重要的日子例如中秋节，单独提出约会。例如向他表示说：“听讲宜家好兴整公仔图案月饼，你想唔想一齐去试整？”如果男仔都对你有意思的话，即使佢不太喜欢亦都会陪你。

Frankie又指，“平时每隔一段时间，可以发一些讯息或有趣新闻给他以打开话题。但如果工作时间他没有回复，就应该停止不停发送，以免他反感，觉得你好烦”。总括而言，每个人的生活习惯和接受程度都不一样，所以不能一概而论，“你要多了解你钟意嘅对象，制造多一点相处嘅机会，不论是短讯或是直接见面。我相信多接触多沟通，成功机会就会大大提升，更何况女仔做主动。”