【香港01 X ICMA大专联校歌唱比赛】Kimmy & Tiffany：比赛变队友

【香港01 X ICMA大专联校歌唱比赛】为踏上麦花臣的决赛舞台，各位大专生参赛者都在早前于赤柱广场举行的复赛施展浑身解数！以下为校园冠军参赛者王书莹 & 梁蕴婷的自我介绍。

王书莹 & 梁蕴婷 （Kimmy & Tiffany）

学校： 香港教育大学

科目：HOD & English

年级：Year 4&3

大家好呀~ 我地系Kimmy&Tiffany 
好开心有机会代表EdUHK参加ICMA！

我地都算系不打不相识嘅朋友xd
第一次见面，就系EdUHK singcon嘅擂台上。之后误打误撞，就认识咗大家，仲好即兴咁夹合唱，变成队友。

以下落黎等我地各自介绍下自己啦！

*王书莹 Kimmy*
今年22岁 读紧EdUHK HOD Year 4

仲记得自己算比较迟接触音乐，而我第一首听嘅歌系Taylor Swift - Love Story，从此就有咗听歌嘅习惯。觉得首歌好听，自然就会想跟住唱。后来因为对唱歌有兴趣，就join咗个唱歌班玩下。喺导师嘅教导同鼓励下，我就胆粗粗咁去参加歌唱比赛。赢到梗系开心喇，但更重要系透过累积参赛经验去提升自己嘅水平。

我觉得唱歌丰富左我嘅人生。因为唱歌，我认识咗好多志同道合嘅朋友，发掘咗多一种表达自己嘅方式。同时，喺练歌嘅过程亦都训练到自己嘅耐性。

虽然我唱歌唔叻，但系都希望大家会钟意我嘅声音，投我地一票！

追，追不到也得追，成就最渺小的壮举！

追，追不到也得追，成就最渺小的壮举！

*梁蕴婷 Tiffany*
今年22岁 读紧EdUHK English education + Language studies Year 3

同好多人一样 音乐系我生命入面都系好重要嘅一部分。除左系因为佢陪伴住我渡过好多唔开心嘅时间同埋生活入面嘅难关之外，音乐亦令我了解自己更多、令其他人认识我。

我本身系一个好收埋自己嘅人，喺陌生人或者朋友面前都唔太识得表达自己。但系音乐系唯一一样令我系所有人面前都会有自信嘅嘢。唱歌可以令其他人认识另一面嘅我！

其实唱歌嘅路并唔易行，我曾经因为压力而放弃咗几年。重新选择唱歌令我对音乐有另一个抱负，除咗名次同奖杯，希望自己嘅歌声可以令人有共呜或者有感触！我亦都借唔同演出机会去挑战自己试下唔同类型嘅音乐。希望大家会钟意我哋嘅歌声同埋今次拣嘅歌！

决赛详情

日期：2019年6月26日（星期三）

地点：旺角麦花臣场馆