【香港01 X ICMA大专联校歌唱比赛】颜程欣：以生命去影响生命

【香港01 X ICMA大专联校歌唱比赛】进入复赛阶段，34强参赛单位经已诞生！他们将会与18个大专校园冠军，一起争夺决赛资格，踏上麦花臣的舞台！以下为复赛参赛者【5】颜程欣自我介绍。

颜程欣 Ngan Ching Yan （21岁）
学校： 香港恒生大学 (HSU)
科目：Journalism and communication
年级：Year 3

无论几忙都会去Busking，系因为我相信香港人需要音乐调剂生活。

我两年前开始接触唱歌，一开始系喺沙田见到有人busking，胆粗粗问佢哋可唔可以唱一首，认识咗佢哋，原来佢哋每逢星期六喺𠮶度唱歌，然后陆续有好多人都好似我咁过嚟一齐玩，结果我同陆续加入嘅朋友决定一齐组队去其他地方busking，亦成立左我人生中第一队band － wkendhk。

好开心系短短一年，有好多单位好信任我哋，俾咗好多机会我哋去表演，亦都令我建立咗唔少信心，亦都揾到唱歌嘅意义。

我好钟意唱歌！第一，因为我好钟意用音乐同人去沟通，我就好似一个story teller咁，跟着歌词去讲故事，有时候观众一个眼神、点头或者拍手，已经系我继续坚持嘅理由。我最开心并唔系听到有人赞自己唱歌好听，而系有人话俾我听因为我唱嘅歌、讲嘅说话而感动，我好想承传一句说话，就系“以生命去影响生命”，而唱歌就系最好嘅渠道去感染其他人。

喺2018年，我经历咗人生嘅低谷，无论系感情、朋友定信仰状态都系一塌糊涂，我至今仍然好记得当我唱完一首歌之后，有种如释重负嘅感觉，令我明白音乐系我一唯走出伤痛嘅出口。所以，我亦选择咗me and my broken heart 嚟参赛，寄语大家要好似歌词里面所讲嘅咁样仍然期待”someone tell me I am not alone”。

今年系我第二年夹band，队友亦好鼓励我去参加比赛，甚至牺牲自己嘅时间去陪我哋练习，所以我好想借今次嘅机会去多谢我嘅队友们，今次入到复赛真系好多谢佢哋嘅陪伴。对于比赛，我从来冇谂过一定要赢，但为咗唔白费佢哋嘅努力，好希望今次可以争取好成绩，将呢份荣誉送俾佢哋。

而我最想讲嘅一番说话系 喺香港要坚持唱歌系一件好难嘅事，地方嘅限制、其他人嘅目光仲有林林种种嘅问题，但系我依然坚持，无论几忙都会去Busking，系因为我相信香港人需要音乐调剂生活。我自己好怕唱广东歌，但系我会继续努力，希望用自己嘅母语同自己最爱嘅音乐继续讲故事比大家听。

【香港01 X ICMA大专联校歌唱比赛2019】 选手简介及最新报道【请按此】

复赛详情
日期：2019年4月27日（星期六）
地点：赤柱广场

决赛详情
日期：2019年6月26日（星期三）
地点：旺角麦花臣场馆
＊密切留意决赛购票详情＊