【香港01 X ICMA大专联校歌唱比赛】孔维泽 ：希望用歌声打动人

【香港01 X ICMA大专联校歌唱比赛】进入复赛阶段，34强参赛单位经已诞生！他们将会与18个大专校园冠军，一起争夺决赛资格，踏上麦花臣的舞台！以下为复赛参赛者【3】孔维泽自我介绍。

孔维泽 Hung Hanson Wai Chak （20岁）
学校： 香港城市大学 (CityU)
科目：System enginnering
年级：Year 2

希望用我的歌声去打动人，令人有所共鸣。

大家好 我系Hanson！好开心可以能够挤身icma semi-final 同一班热爱音乐、热爱唱歌既人一齐切磋，争取入决赛嘅机会! 都唔知系由几时开始，音乐已经成为咗我人生嘅一部分😂 好似系中四𠮶一年，一次胆粗粗走去同我𠮶好朋友参加学校嘅sing con，合唱咗首张敬轩嘅笑忘书... 尴尬嘅往事都系唔好提啦。

从𠮶阵开始，我就有点儿爱上唱歌了。其实，我自问我嘅音乐细胞同造诣都唔系好出色😂，就好似我到依家先至初学钢琴咁，又好似我每次玩singcon都从来冇赢过咁，又好似中学时玩sparkles同supernova都唔会入到围咁....所以一直以来，我都觉得唱歌从来都唔系我嘅专长。 虽然一路跌跌碰碰，但其实心底里我都系好喜爱唱歌 （尢其系acoustic music 同埋情歌类） 因为我觉得我系唱歌之中揾到乐趣、热诚、自信，甚至系梦想，以及感情嘅寄托。

唱歌比咗我一个抒发情绪嘅平台，亦都比我一个机会去感染身边的人，希望用我的歌声去打动人，令人有所共鸣。 所以我好开心能够喺咁多参赛者入面突围，得到一份肯定，成为34位入围者之一， 而呢一份肯定绝对会成为我努力做得更好嘅动力！希望大家会喜欢我嘅音乐同埋支持我啦！

【香港01 X ICMA大专联校歌唱比赛2019】 选手简介及最新报道【请按此】

复赛详情
日期：2019年4月27日（星期六）
地点：赤柱广场

决赛详情
日期：2019年6月26日（星期三）
地点：旺角麦花臣场馆
＊密切留意决赛购票详情＊