【香港01 X ICMA大专联校歌唱比赛】钟卓琳：唱歌的魅力在于互动

今年【香港01 X ICMA大专联校歌唱比赛】决赛将于6月26日在麦花臣场馆举行，规模盛大，绝对难得！初赛及复赛已顺利举行，现已进入决赛最后阶段，并设有人气投票活动，支持心水参赛者，歌王歌后你有得拣，投票者更有机会赢取丰富奖品！
以下为参赛者钟卓琳自我介绍。

< 投票支持钟卓琳 >

钟卓琳 Chung Cheuk Lam （20岁）
学校： 香港理工大学 (PolyU)
科目：Occupational Therapy
年级：Year 3

唱歌嘅魅力唔系净系在于令自己开心，而系因为唱歌之中有互动

大家好～我系sasa!

我细细个就系因为容祖儿嘅《逃避你》开始唱歌，日日都系厕所拎住个花洒当咪咁开mini concert。虽然未识读歌词，但每次唱完都识讲“多谢英皇娱乐同埋乐小姐”，然后妈妈就会送花比我，令我觉得唱歌嘅时间系最开心同无忧无虑。

不过我一直都冇胆量唱歌比人听，直到初中有朋友叫我一齐参加sing con，我就开始系台上唱歌比人听，开始学和音，开始学结他同开始写歌。

慢慢我就发现原来唱歌嘅魅力，唔系净系在于令自己开心，而系因为唱歌之中有互动。唔同旋律，唔同歌词背后都有一个属于佢嘅故事，纵然我同听歌嘅人互不相识，但我可以透过自己嘅歌声与人连结，分享自己故事之余，可以为佢地带来一份感动同温暖。当有人听到我嘅歌声，然后觉得被安慰嘅时候，我就感受到自己嘅价值。

上到大学之后发现，原来音乐嘅世界真系好大～只系合唱嘅时候，自己先够胆唱比人听，亦都开始觉得自己系唱歌呢方面好无用。不过谂到之后日子得返实习，呢一年系最后嘅时间令到自己享受唱歌～所以我就鼓起100000000%勇气去参加今次比赛! 希望可以揾返钟意唱歌嘅初心，亦都希望你地会喜欢我嘅歌声同被感动到！

决赛详情
日期：2019年6月26日（星期三）
地点：旺角麦花臣场馆

购票详情：
门票价格 -$130/$150 ＜购票请按＞