【香港01 X ICMA大专联校歌唱比赛】林倩妤：有梦想是幸福的事

【香港01 X ICMA大专联校歌唱比赛】进入复赛阶段，34强参赛单位经已诞生！他们将会与18个大专校园冠军，一起争夺决赛资格，踏上麦花臣的舞台！以下为复赛参赛者【26】林倩妤自我介绍。

林倩妤 Lam Sin Ue, Serena （20岁）

学校： 岭南大学 (LingU)

科目：BBA

年级：Year 1

有梦想就系一件好幸福嘅事，挫折只系为磨练你成为更坚强、更有实力嘅自己

记得小学𠮶时已经好钟意跟住电视啲主题曲不停唱，唱到屋企人都觉得烦，都要继续～

我本身系个比较内向嘅人，唔钟意出风头，又冇自信，觉得自己外形普通，冇人会想睇我表演，所以一直都冇谂过有一日会喺舞台上演唱。到初中时，好朋友一直鼓励我，我终于鼓起勇气参加咗校内歌唱比赛。仲好记得第一次上台唱歌，我成个人都震哂，连呼吸都觉得不太顺畅，最后战战兢兢咁取得初中组亚军。

比赛之后，我开始揾到我嘅奋斗目标，唔再无所事事。就咁样，开始咗我嘅歌唱之旅～ 可惜，追梦嘅路从来都唔平坦，呢六年间，我参加过近三十次歌唱比赛，但得奖嘅次数，五只手指都数得晒⋯ 我都有怀疑到底我系咪应该放弃，我系咪根本唔适合行唱歌依条路⋯ 但系！我并冇因为咁就放弃，一直继续比心机练歌，尽全力做好每次演唱，再加珍惜每个机会，只求自己有进步同无悔～

我相信只要努力，就会幸运！喺度我想同各位追梦嘅朋友讲，无论你嘅梦想系咩，只要有梦想就系一件好幸福嘅事，挫折只系为磨练你成为更坚强，更有实力嘅自己，我地绝对可以有软弱无助嘅时候，但一定唔可以放弃！大家一齐加油～

【香港01 X ICMA大专联校歌唱比赛2019】 选手简介及最新报道【请按此】

复赛详情
日期：2019年4月27日（星期六）
地点：赤柱广场

决赛详情
日期：2019年6月26日（星期三）
地点：旺角麦花臣场馆
＊密切留意决赛购票详情＊