【香港01 X ICMA大专联校歌唱比赛】5hz：唱歌会为我们带来自信心
今年【香港01 X ICMA大专联校歌唱比赛】决赛将于6月26日在麦花臣场馆举行，规模盛大，绝对难得！初赛及复赛已顺利举行，现已进入决赛最后阶段，并设有人气投票活动，支持心水参赛者，歌王歌后你有得拣，投票者更有机会赢取丰富奖品！
以下为参赛者【1】5hz自我介绍。
5hz
学校：香港恒生大学(HSU)
科目：BBA
年级：Year 1
唱歌唔单止系一种兴趣，唱歌亦都系一种自我肯定嘅方法
大家好，我哋系5hz!
5hz 系由5条友组成既 Band,我哋嘅平均年龄大概系18.6岁，最细个就系我哋Vocal Vivian，最老系我哋鼓手阿正，但其实佢都唔系好老㗎咋！中间个啲呢就系结他手 Clovis, 琴手 Eve, 仲有 Bass 佬 Jed。
我哋队Band都系啱啱组成咗半年，依家仲摸索紧我哋嘅风格，而Eve 同Clovis平时钟意听啲Soul嘢，Vivian就钟意听R&B，咁鼓佬正钟意听Punk，Jed就钟意听Rock，呢5条友咁九唔搭八，究竟系点样走埋一齐呢？其实我哋大部分人都系读CityU Creative Media ！我哋入面有4个都系Year1。希望将来会见到大家！同埋希望大家都可以投票支持下我哋啦！
我系Vocal Vivian，我细细个就已经好钟意唱歌㗎喇，小学嘅时候都有参加合唱团同埋参加唱歌比赛。中学时期就有参加校内同校外唱歌比赛，而且都拎到唔错嘅成绩，所以我对唱歌嘅热诚越黎越大，更加钟意唱歌。
唱歌会带比我一种自信心，令我个人会有返自信，而且我会用唱歌嚟减压，见到自己偶像做到嘅歌唱技巧我都会自学练习，慢慢就觉得唱歌唔单止系一种兴趣，唱歌亦都系一种自我肯定嘅方法。
参加比赛对我黎讲系一个自我突破嘅方法、形式，同时都系我学习嘅好机会，听到唔同评判嘅意见可以改善自己不足嘅唱歌技巧和表演方式，所以我哋参加嘅比赛除咗可以令我提高自信心同减压，亦可以令我遇到志同道合嘅朋友，就好似呢个比赛令我认识到我嘅Band友们，一齐分享、交流音乐。
▼▼▼▼点击欣赏好声音▼▼▼▼
决赛详情
日期：2019年6月26日（星期三）
地点：旺角麦花臣场馆
购票详情：
门票价格 -$130/$150 ＜购票请按＞