男友：“一去Working holiday就分手” 女友开PO求助惹网民热议
大学生去不去Working holiday好呢？近日有女网民在连登分享，指男友表示，“一去working holiday就分手”，引起网民热议。
有丝打在连登上分享
每次跟男朋友谈及working holiday都会以吵架收场
直言“话以后都唔想再倾呢个话题 就收咗我线
点解男仔会咁抗拒去working holiday?”
她在贴文中表示
自己今年24岁而男朋友27岁
早于半年前已经向男方提出
希望自己可以去working holiday
不过男方的前题是要先分手
而令女生打消了念头
最近女生又再次向男生提出
如果两个人一起去的话又如何呢
结果男生反应非常大
更直接cut线
我本来觉得，我哋可以两个一齐离开香港，体验同香港唔同嘅生活，两个人喺埋一齐就唔会出现无安全感嘅问题，而且两个人远离屋企生活，咩都要靠自己解决，经历完一年，感情会更加好。
不过网民问多两问发现案情并不单纯
原来楼主的男友正在半工读MASTER
加上已经27岁正值事业发展期
几乎一面倒指楼主拖男友后腿
而楼主亦似乎被一众网友说服
【1.男友有自己计划】
比较多网友指出男友的想法很成熟
因为正值事业的搏杀期
加上他正攻读MASTER
不少网民都觉得男友对未来有计划
如果真的放下在香港的一切到外国
回来之后他的事业可能要由零开始
因此才不会跟女友一起去working holiday
半工读 + master，即系已经有条算明确的path同目标，working holiday多数系唔知自己想点，想试吓外国生活的人，其实问得多去过的人都知对前途冇特别帮助，但人生叫多个体验，有好有唔好。
相关文章：【云石蛋糕】90后女生开店卖蛋糕 回首感叹：应多花时间陪伴家人
【2. Long D冇好结果】
亦有不少朋友指出
男友要求分手的决定成熟
因为大家都知道long d是很痛苦的事
不过他亦没有阻止女生去working holiday
最合理的解决方法就是分手
只是长痛不如短痛
你男朋友畀晒选择你，佢心底知道long d无好结果，先唔好讲信唔信任𠮶啲，呢啲永远预计唔到，所以第一次佢先同你讲，一系分手一系唔去。
【3.working holiday是逃避？】
楼主指自己希望
“攞一年时间体验外国生活
人哋成日话
外国生活节奏无香港咁快
外国人生活态度系比较放松
外国交通无香港咁方便
呢啲嘢 我都想感受一次”
不过有不少网人民都认为
楼主的心态其实是逃避
分分钟连自己都不知道
因为working holiday只是一个手段
可能是希望在外国发展
或者有相关工作经验
如果只是为了体验的话
去一个长旅行都可以
就当你真系想体验，你去一个月旅行都体验到，其实旅行，都大把同外国人交流既机会，至于体验其实系睇人，working holiday返来觉得体验好多嘅人，通常本身已经目标清晰，储左笔钱去好多地方游歴，最多唔够钱花一两个月打工，之后又去旅行，换言之，即系long holiday，working嘅比重唔会多，冇咩人系打足一年工之后觉得自己攞到好多野走。
相关文章：90后情侣有律师、博士不做 合作搞补习：不愿沦工作机器
【4.好好珍惜为未来打算的男友】
网民认为男友已经在为未来打算
楼主都提过希望跟他过人世
因此更不应该在他的搏杀期拖后腿
更有网民分享自己“朋友”女友移民的经历
很多时一些冲动的决定就断送一段感情
拥有一个为大家未来著想的男友
楼主应该感到庆幸
更有丝打笑言二人应该分手
自己再去结识楼主男友
而楼主亦开始明白男友的心意
“谂返转头，其实又系，就有谂过我哋将来先会咁坚持，咁拼搏”
【5.价值观不同】
是一个老生常谈的理由
不过网民指出的是
男生似乎不太懂得跟楼主沟通
其实楼主亦不是不明事理
只是觉得男友反应有点大
因为不同人有不同的经历
未必互相完全合拍
希望大家可以互相多沟通
我觉得你男朋友都有佢嘅睇法佢嘅道理，两个人冇可能咩都一样睇法，问题系应该要倾，而唔系嘈交，如果真系想一世行落去，两个人一定要能够开心见诚，祝你地真心倾到，唔好又嘈
【6.互相理解】
其实楼主都知道自己的问题
更直言是“求＿醒”
经过网民的洗礼后
终于百＿成材（X）
明白男友的苦心（O）
多谢咁多巴丝咁夜仲打咁多字同我倾，明白多咗男朋友系点谂，系我谂嘢无佢咁长远，同埋太唔现实，其实一开始同佢倾电话本身气氛都几好，系讲到working holiday先即刻变脸，未试过咁严肃同我讲嘢，佢真系好在意呢件事，所以我以后都应该唔会再提working holiday嘅事喇。
自此她的故事就未有下文
不过不少巴丝都祝福他们可以走下去
看完了他们的故事
你又有没有甚么想法？
留言分享一下吧！