职场新鲜人辛酸史　网民热数5个想辞职的原因　冇嘢学、食死猫

撰文： 过期大学生
出版：更新：

Fresh Grad嘅你最近还好吗？早前，有fg网民开post话做咗几个月返工狗，越来越想辞职，原因系太少嘢做、冇嘢学。下面5个网民提到嘅fg辛酸，你有冇同感？

【1. 冇嘢做冇嘢学】有网民话返咗4个月工，都系做吓打杂，Hea到觉得自己个位好 多余。冇嘢做姐系冇乜嘢学，与其日日返工等放工，不如quit喇。（《未生》剧照）
【2. 话你冇经验但唔畀机会你学】另外有网民话fg经验不足，冇乜可能会咁快畀新人孭飞。但你唔畀我唔落手落脚做，又点会有经验？根本系一个恶性循环。遇到呢啲情况不妨同同事或上司表达 吓，希望可以分担更多工作，未必要负责一个大project，但参与吓都好！（《未生》剧照）
【2. 人工低到唔敢同屋企人讲】最新调查就话大学生起薪点15K，不过仲有好多人可 能揾得12-13K甚至更少。有网民就话人工低到唔敢同屋企人讲，堂堂一个大学生揾得 仲少过佢哋，怕佢哋伤心。（《无法成为野兽的我们》剧照）
【2. 人工低到唔敢同屋企人讲】放心，You are not alone！好多fg当初揾工唔太顺利，几差嘅offer都接受住先。不过黑心老细实在太多，低人工未必系你唔掂，打探吓同行薪酬几多，再plan后路罢喇！(《无法成为野兽的我们》剧照)
【3. 被逼食上司死猫】好上司有如再生父母，差嘅上司通常急不及待推你去死！有网民话明明份report成team有份做，上司嘅上司发现上司负责嘅部份有甩漏，上司就第一个拎佢祭旗。(《无法成为野兽的我们》剧照)
【3. 被逼食上司死猫】呢啲办公室政治，职场小薯总要中几次伏。所以话Email嘅CC功能系非常重要，记得CC埋啲大粒嘢，边一步出错都有迹可寻。你以为Email系畀收件者睇？傻猪仔嚟嘅，系畀CC个堆人睇㗎。(《无法成为野兽的我们》剧照)
【4. 公司太多无理要求】呢个情况最易喺中小企出现，冇制度呀嘛。例如补假无端端被扣起、唔畀连住weekend请等等。仲有网民话试过畀老细女朋友不停抹黑，原 因只系因为怕昆虫。间公司咁癫，小编都冇咩贴士畀你，有得走就好走喇！(《无法成为野兽的我们》剧照)
【5. Chur得滞太大压力】同第一项完全相反，有做工程嘅网民话自己一条友要负责几百万嘅project，唔够人手又冇senior带，好大压力，仲要OT到完全冇哂自己时间 。仲有做幼稚园老师嘅网民就话chur到挨出病，已经入过两次厂。（《忘却的幸子》剧照）
【5. Chur得滞太大压力】工作量多同复杂嘅好处就系可以暴风成长！对第时转工都有好处嘅，人地可能要做3年先学识嘅嘢，你1年就学识，咪可以快啲转份好工啰～但前提系你身体负担到，嬴咗份工，输咗身体点计都唔抵！（《68 岁的新入社员》剧照）
瞬间有共鸣