又到圣诞，可能唔少男仔都想赶尾班车，等自己唔使毒自过节。一心急通常就出事，唔觉意太Chur个女仔多数都冇好下场。下面15个由众女小编总结嘅沟女禁忌，睇下自己有冇踩到地雷喇！
【1. 识咗冇耐就叫佢BB、猪仔】 识咗几日就咁亲暱，真系心谂依家同你好熟？！唔好话普通朋友，就算系畀暧昧中嘅男仔咁样叫法都觉得太over。（《等一个人咖啡》剧照） 【2. 一日到黑都系度问佢做紧乜】 好想同个女仔倾计，但又冇话题，惟有系咁问佢做紧乜。其实如果有嘢想share自然会揾你，点解成日要向你报告行踪？（《奶酩陷阱》剧照） 【3. 过度嘘寒问暖】 “今日开始转凉，记得著多件衫呀。”、“记得瞓多啲～”如果男朋友对我做呢啲真系几sweet，但仲系普通朋友讲呢啲……似系好想跳入下一个阶段，做多咗喇。（《奶酩陷阱》剧照） 【4. 仲喺发展阶段就要确立身份】 同你食下饭、睇下戏只不过系互相了解嘅阶段，识咗唔系好耐就失惊无神问：“其实你当我系乜。”咪当你系普通朋友啰，你expect我答你啲乜？ （《三流之路》剧照） 【5. 过多身体接触】 普通倾偈都要挨身挨势，见咗一两次就掂手仔、搭膊头，只会觉得你好猴禽，本身对你几好印象都即刻扣哂分。以为靓仔做就冇事？Sorry，醒目女一眼就睇得出你系”fxxk boy”。（《河伯的新娘》截图） 【6. 认屎认屁】 虽然叻嘅男仔真系特别有吸引力，不过谦虚紧要啲啰。一轮嘴咁讲自己啲achievement、识边个边个，唔好意思，冇人想知呀。真系想知就会主动问你喇！最难顶系唔识又要扮识，畀人问多两句就露哂馅。（《蓝色大海的传说》剧照） 【7.睇唔起女生玩意】 譬如，有女仔同你行街，话想睇下商场嘅卡通人物摆设，就算你真系唔好呢味嘢，试下唔好一句得埋去：“下，有乜咁好睇呀。”唔系要你都中意埋一份，但唔好睇唔起人哋嘅兴趣OK？（《举重妖精金福珠》剧照） 【8. 同女仔讲“我最近中意咗个女仔”】 最尴尬系要个女仔估边个。数完共同圈子嘅女仔你实话唔系，但又唔想比位你表白㖞，除咗“哈哈，系咩”都唔知畀咩反应好。（《蓝色大海的传说》剧照） 【9. 突然男友上身管住哂】 “唔准咁夜瞓！”、“你张相入面啲男仔边个嚟？”可能男仔觉得女仔会钟意呢type“霸道总裁”，大佬你系边个？未一齐已经咁烦，一齐咗之后咪仲癫？（《金秘书为何那样》剧照） 【10. 喺对象面前讲佢男性朋友嘅坏话】 “你同学一定系狗公”、“返学使唔使gel头呀”，唔好意思，话唔定人地识佢仲耐过你。你唔系以为喺对象面前破坏佢哋形象，自己机会会多啲？（网上图片） 【11. 突然喺返学/返工地点出现】 可能有男仔觉得咁样系畀惊喜个女仔，不过当仲未好暧昧嘅时候做呢啲嘢只会系“惊吓”，唔系惊喜。（《河伯的新娘》剧照） 【12. Like哂对象ig/fb 啲相】 想Like相咪Like最新𠮶张啰，点解要碌到最底连中学po嘅相都要Like？呢种引人注意嘅手法好令人不安。（《蓝色大海的传说》剧照） 【13. 一出post就即刻留言】 如果次次出post都秒回真系好恐怖，成个跟踪狂咁，好似每秒都碌紧女仔个fb/ig咁。但女仔唔会觉得你咁样叫关心佢，剩系觉得你好变态。（《微微一笑很倾城》剧照） 【14. 成日喺social media叫春】 日日话自己好lonely，今个圣诞冇人约，惊死人唔知你渴望爱情，就好似你成个世界得返“出pool”呢件事，成个怨妇咁。（《蓝色大海的传说》剧照） 【15. 定时定候报告自己行踪】 冇人想知呀，过主喇。大家可能只系“友达以上，恋人未满”嘅关系，你唔使当个女仔系女朋友咁对待。（《奶酪陷阱》剧照）