【中学回忆】网民感触如果时光倒流　8个最想弥补的遗憾

撰文： 罗伟文
出版：更新：

中学生活固然精彩，不过多少会留下遗憾。有连登巴打以“畀多次机会你回到中学生涯，你最想做咩”为题发文，你又会想做什么？

【爱情篇】不少巴打话，中学时期有好多爱情遗憾，“想同暗恋咗好多年嘅邻座表白”，其实小编又何尝唔系，未试过着校服拍拖，真系人生一大憾事。（网络图片）
【努力读书】有巴打话，唔好蹉跎光阴喺无谓嘅事上。特别系要读好啲英文，努力读3年书，换来40年安逸工作。假设能够做40年就退休，咁就应该系全世界最高回报嘅投资，咁人生其实都有好多精彩嘢嘅。（网络图片）
【打学界】“专心打篮球校队，赢返次学界冠军”对于有运动细胞嘅朋友嚟讲，打学界系一件大事。可能你之后都唔会走上运动员嘅路，但一班人一齐奋斗嘅回忆会成为一世嘅宝物！ （网络图片）
【勿潜水】“last day唔好直接走咗去”我谂呢位巴打一定好后悔当年直接走人而冇影到相，有时回忆就系咁冇咗。（网络图片）
【运动篇】“陆运水运唔好逃避”有人觉得自己冇运动细胞，所以唔关自己事。其实陆运水运根本就唔系为输赢，而系一班人一齐玩，一齐开心。你谂谂，其实一生人，只有6次陆运水运嘅机会……（网络图片）
【乖仔唔好学】“打班主任”呢个真系好痴线，大家唔好学。我反而想知点解有咁大仇口？（网络图片）
【再玩癫啲】“如果可以再嚟一次，我真系想同班朋友一齐玩癫啲，做嘢之后大家都愈嚟愈少联络，谂起以前成班on9由放lunch开始买料，放学之后偷偷地喺学校打边炉，真系往事只能怀念。”（网络图片）
【勇敢啲！】“唔好怕柒，钟意人就要勇敢啲尝试，即使柒咗第时谂返起都会笑而唔系后悔点解当时乜都无做”冇错啊，如果唔系都唔会有呢个POST嘅出现啦。（网络图片）
瞬间有共鸣