网上讨论区“连登”嘅网民近日发起咗个“一人一个瞓到懵咗嘅Moment”嘅讨论，原来瞓醒教系最容易发生6+1事嘅Moment。搭到过站呢啲基本喇，仲有人见过同学瞓到仆X，你有冇试过佢哋以下呢几个经历？
【1. 瞓到7点几，以为就黎迟到】中学4点几返到屋企瞓晏教，一醒望到个钟已经7点几8点，即刻以为就迟到，吓到标汗！冲出厅发现成台𩠌，先知原来唔系朝早7点，系夜晚7点呀…… 【2. 瞓醒以为要返学/返工, 点知系星期6】一定系太热爱返工返学，所以连放假都唔记得喇！知道今日其实放假，唔知点解有种赚咗嘅感觉，好似多咗一日假咁。 【3. 瞓到仆X】有网民就话读中学个时，见证有位女同学喺礼堂听talk𠮶时，瞓到仆咗落地下，从此成为全校笑柄！如果跌衬𠮶个系小编，应该想即刻退学。 【4. 瞓到下一堂Lecture先醒】读U上Lecture恰眼瞓，一醒发现身边啲同学唔同哂。原来瞓到落堂都唔识醒，仲要第二科嘅人入嚟上堂先知。所以话读大学一定要同朋友上堂，除咗一齐做project，仲要提你起身！ 【5. 瞓到巴士到总站】喺巴士瞓教简直系玩命，因为随时瞓到过哂龙。不过有时睡意来袭点忍得住呀，好彩嘅话有司机叫你起身，唔好彩嘅话就要打电话求救，谂起瞓醒周围一个人都冇仲要黑妈妈，都咪话唔惊。 【6. 懵到连胸围都唔记得带】女网民话读中学时有日出门口太赶，当时仲要系冬天，入面著少件都唔系好觉。行行下先发觉心口好空虚，原来唔记得著胸围，全日都觉得好唔自在。 【7. 喺红磡一嘢搭到去罗湖】东铁线站与站之间比较长，比其他线少啲上上落落，所以一瞓著都难嘈得醒㗎。搭火车瞓过龙相比巴士都算方便，一系坐到回程，一系过对面搭返相反方向。 【8. 瞓醒发现send错whatsapp去公司group】喺公司OT恰著，一醒就唔小心send咗个“我好挂住你呀老婆😘😘我爱你”去公司group。冇send错公司坏话出嚟都算系咁喇。 【9. 唔小心同外国朋友讲广东话】网民同日本朋友喺屋企玩点知瞓著左，当日本朋友叫醒佢去冲凉，傻下傻下咁用广东话同佢讲：迟啲先冲喇～结果日本朋友以为佢讲粗口闹佢。 【10. 懵到揾唔到月台】呢个就要大家用少少想像力理解喇。有网民话有晚喺油塘上车去石硖尾，瞓醒已经去咗旺角。即刻冲落车转车，但瞓到温温炖炖咁揾唔到啱嘅月台㖞，唯有搭到去油麻地返转头。