【中学回忆】网民回想13种放榜心情　“一听到妈妈把声即喊”

撰文： 过期大学生
出版：更新：

各位大学同学，快要MID TERM了，学业辛苦吗？有没有偶尔想起记放榜的心情？有网民在连登分享自己的放榜经历，引起不少巴丝打共鸣。

【醉后去放榜】放榜前晚同朋友通宵喺中环海傍队蓝冰，当时打定输数入唔到想入个科，好彩都叫对得住自己，放咗就即刻冲去隔离班睇下班frd考成点，谂返起真系好热血。（网上图片）
【朋友考得差】拎完张cert知自己稳入u，但望住朋友喊到崩溃，个下好想安慰又唔知点出口，如果去问佢地有乜野可以帮手，又会当我幸灾乐祸，想抒发下开心，又要忍住，于是企埋一二边。（网上图片）
【冇想像中咁好】大约七点开始好紧张，买咗星岛日报，结果虽然稳入u，但比我predict低4 分，最后喊L咗两个钟。（网上图片）
【妈妈的声音】一开头冇咩感觉，因为都预咗自己考得差，之后打电话比妈咪报告成绩果阵，一听到佢把声，我几乎喊到收唔到声，果一刻我先意识到自己有几仆街。（网上图片）
【超级紧张】末代AL，好担心中化F，然后玩完，行返学校𠮶阵，感觉到心脏每下嘅跳动，心不断离一离咁，最后E左，过关。（网上图片）
【全班同学应战】约全班一齐食m记早餐，有成10几个出，一齐买份星岛，出门时同看更呀姨讲早晨，心情劲靓咁返学，最后得咗。（网上图片）
【人生胜利组】屋企人好放心，因为成绩一向好，派成绩单果时，老师第一个叫我名，然后同学拍手。（网上图片）
【轻松应对】睇完gotze绝杀阿根廷就返去攞了，好平静。（网上图片）
【前度揾我】读书算叻嘅ex，会考前半年分手，打嚟问我考成点，我讲咗个分，好低，升唔返原校中六，之后就cut咗佢线。
【全家出动】老豆老母仲紧张过我，老豆仲特登请假，揸车送我去放榜，陪我周围扑。（网上图片）
【误中副车】派cert𠮶阵，见到自己中文2咗，个脑空白一片，后尾呀sir发现，派错咗后面个同学张cert俾我，应该会成世都记住𠮶一日。（网上图片）
【家人支持】放榜之前个晚，同屋企人因为d非学业湿碎嘢嗌交，事后觉得自己好衰仔，不过一家人冇隔夜仇，第日照旧陪我返学校。（网上图片）
【谁定成败】而家谂返，其实好小事，一个考试真系唔代表啲咩，虽然当时我好惊好紧张，好似个天跌咗落嚟，好彩身边仲有屋企人同朋友，而家都叫做到自己想做的事。（网上图片）
DSE
会考
DSE放榜
瞬间有共鸣