港铁4线故障　其实系苦心提醒港人：上车真系唔容易

“喺香港，上车真系好难”唔一定用喺买楼，地铁只要坏车，全香港齐齐经历上唔到车之苦。香港年轻人、打工仔，咁辛苦为乜？上车啰！

多谢港铁今日四条线崩溃，令香港人不论系年轻人，定系打工仔，都对“上车”呢两个字有新认识。

今时今日谈及上车，未必人人有共鸣，不过讲到“上班”，就一定个个都知咩事，

今日当个个都想上车，大家死等烂等，以为总有一刻可以上到，结果系架架车都满座。

相关文章：行街最怕遇到5种人　喼神、人墙　俾条路行下得唔得？

你肯等你肯挨，就可以上到车喇咩，你只要系中途站，唔好讲话上车，排队都冇你份，知唔知点解？因为你个站唔够有利，唔系你嘅错，系你输在起跑线上。

你会觉得，只要我肯等，总有一刻会到我，可能你等得来，已经收工。有时仲有会接驳巴士，美其名比多一个选择你，不过上到车果个，永远都唔会系你，

相关文章：“土地大辩论”有无你心水土地用途？年轻人：冇屋住讲咩基建

咁系咪个个都上唔到车呢？咁又唔系嘅，有时好彩都会上到一两个，成功上咗车，望住沿路等车的人，有人觉得自己可以俯瞰众生，有人会为仲等紧车的人祈祷，但佢哋都有一样的谂法，以为可以去到自己想去的地方。

其实上咗车，只系一切的开始，因为一上车，你就番唔到转头，只可以一直搭著去，当然可以早途落车，但你等车、车费、心血，都会一下子烟消云散，你甘唔甘心？

今日“上车”盛况：

我谂起钱锺书先生的《围城》，“围在城里的人想逃出来，城外的人想冲进去”系巴士、系楼市、系香港。

相关文章：只有将军澳人才懂7件事　商场围城　康城轮回

好似吹大咗，冇咩事我返出去做嘢先，利申我今日行路返公，上唔上到车唔关我事，我唔识。

过期大学生曾经的大学生，80后老鬼，身老心不老，自问玩尽大学3年，劲爆回忆同美好经历，足以讲足30年。