【微辣霍哥血泪史】遇车祸跛脚致警察梦碎　上擂台打拳寻回自我

微辣上的霍哥，要不然是沟不到女的毒L，或者是带变态笑容的淫霍，否则就是笨实的上班族，抑或是戆直的警察。
多种角色背后，他自己最喜欢的就是警察，因为一个个的“辣警察故事”替他圆了儿时的梦。而儿时的梦，除了是当警察，还有打一辈子篮球，但因一场意外，两者消失得无影无踪。

人们常说搞笑艺人是对人欢笑背人愁，
没有一定的历练，
又怎能引起他人共鸣？
就如笑匠占基利所说，
“人没尝过绝望的滋味就不会学习到甚么，
若你不曾绝望过，就不会是有趣的人”。
在微辣艺人霍哥身上的，
是两个破碎了的梦。

中学生活=20％读书+80%打波

第一个梦，是篮球梦。
从小霍哥就长得高大，
小五时便被招揽入篮球队。
中学生活几乎全由篮球挤满，
“朝早返去会打波，放个小息𠮶4个字会打，
中午食完饭早啲返学校会打半个钟，
放学𠮶日无波练嘅，
会留低喺学校打到5点半或者6点先至走。
跟住星期六、日
会自己约喺街场度打或者返学校打”，
他更指自己中学时期有八成时间打篮球，
两成时间才是读书。

和一众队友合力之下，
将中学篮球队由丁组打上甲组，
为学校争取了前所未有的佳绩，
更是屡屡打败运动强校赢得冠军。
霍哥这个称号也是从球场上得来，
一次赢出比赛，也为他带来一个尊称。
家里有关体育的奖牌，霍哥说有20多个。

天雨路滑+一个不看路的婆婆=悲剧

在篮球场上跟队友合作无间，
令他们萌生一个念头，
就是毕业之后要组队打一辈子的篮球。
但就在中学毕业之后，
霍哥遇上意外。
“我揸电单车嘅，𠮶晚落住啲毛毛雨，
有个阿婆就突然之间担住把遮冲出黎，
我就避佢啦，
一避咗就成个嘭咗喺地下度，
拖行咗一段期间。”
最初只是以为左脚扭伤，
但两星期后脚伤仍未消肿，
教练直指不妥，于是去照X光。

“𠮶时都系谂住系（韧带）撕裂。
最大嘅心理准备系去到呢个程度，
点知原来个医生话唔止呀，
侧副韧带成条断咗，
跟住十字韧带撕裂、半月板耗损，
三样嘢都系严重。”

重返赛场梦碎

此时的霍哥仍抱有希望，
等待做手术的两年间，
他一直都认为，
只要手术配合物理治疗，
终有一天他能重返篮球场，
跟队友再度征战。

但术后一次物理治疗时，
医师戳穿了这个幻想，
“学习紧屈脚𠮶阵时，
都已经痛到流眼泪，
佢同我讲只脚都只系有返八、九成肌能。
佢个feel系，就算你而家几痛都好啦，
痛完你都系冇得打波㗎哈哈”。
虽然霍哥笑著忆述，
可是该刻的绝望，其实旁人都听得懂。

霍哥变成跛佬霍

球场上辉煌的霍哥，
在炒车之后，
被改了个“新朶”——跛佬霍。
“球场上有班人会唔钟意你，
𠮶班人直程系望住你‘喂，跛佬霍！’，
你又冇得冲过去𡁻佢㖞，
你跑唔到呀嘛。”
霍哥变跛佬霍，
心情好像由天堂跌落地狱。

之后队友找他打波，
他仍然会出席，但不会落场比赛。
坐在观众席看著新中锋，
他说感觉很复杂，
“我觉得自己劲揪过佢啦，见住佢打波，
我会谂如果系我，我入咗喇；
如果系我，我防死咗佢喇。
咁但系冇如果㗎嘛，
系整亲就整亲，系换咗人就换咗人”。

关节易移位　走路随时会仆亲

膝头上的18厘米伤痕，
限制的不只是打篮球，
还包括跑步，甚至日常走路。
由于手术效果不佳，
一旦他不小心踏错步，
左脚关节便会移位，
成个人重心不稳跌倒在地，
“有一次试过跌坐喺地下度喊，
喺度谂点解会咁，
点解会发生喺自己身上面㗎”。

脚伤也敲碎了第二个梦，警察梦。
平日爱军佬打扮的霍哥，
坦言自小便想做警察，
若非一场意外，
他可能已经加入警队，而非微辣。

曾经怨天，
也曾经恼怒那个走路不长眼的婆婆，
然后霍哥转化悲愤为食量。
入大学之后，
他整天饮酒去蒲，
少做运动，长胖了不少，
最高峰有达205磅，
“身体𠮶方面我已经唔谂，
系咪都冇㗎喇，咁咪唔谂啰，
食到有问题先算啰”。

获邀打拳　找回当初那团火

直至自己放到网上的搞笑短片
获得微辣创办人六毫子垂青，
邀请他加入微辣，其后成为艺人，
霍哥生活才有了新目标。

偶然一次机会，
他认识了拳馆师傅，
并邀请他打比赛，
令他重新找回运动员的热血，
“天人交战嘅，你只脚仲系痛㗎嘛，
谂咗一轮，我就决定畀个挑战自己，
死就死啦！”
答应了的，不只是参加拳赛，
还是跟以往大吃大喝的生活道别，
“唔想再做以前𠮶个自暴自弃嘅自己，
真真正正系揾一个目标，
几辛苦都好，要挨落去”。
于是霍哥开始了接连数月的训练。

由跑20分钟便脚痛　练至环山跑

对普通人来说，
跑20、30分钟也许不太辛苦，
但由于脚伤，霍哥会跑到脚震兼脚痛。
而且打拳还要训练被打、踢脚，
也要练习被扫腿，包括受伤的左脚，
“扫嘅话系用佢只脚一鞭鞭埋嚟，
好似你嗱起只脚俾人攞碌棍一嘢打落去咁”。
反复的练习、忍痛，
霍哥由20分钟跑程提高至40分钟、1小时，
甚至环山跑两个圈，
他看著自己的极限不断被打破，
“医生话唔可以做剧烈运动呀嘛，
但系反而我只左脚，可以连续踢100脚”。
以往认为自己不可能的、
他人觉得不可行的，
原来要实践了才知道真正结果，
“𠮶场比赛对我改变好大。
唔好咁睇低自己”。

故事鼓励网友重新打波

虽然比赛仍是输了，
但霍哥找回那团火，
以往的动力、正能量都找回来了。
在比赛前他录了一段真心话，
讲述这个故事，结果也触动了好些人，
“最大满足感系，有个人inbox我，
佢睇完我条片后，
佢就揾返佢啲队友出嚟打场波，
好开心咁打咗一晚，
我就觉得好窝心，
又真系畀到一啲正能量人哋”。

以搞笑短片传递正能量

现时心结已经解开，
他也不再抱怨，
“系一场车祸拎走咗我两个梦，
但系我发现，
好老套咁讲系一个命运嘅安排”。
因为意外，他不得不放弃了当警察的梦想，
转折成为一个艺人，
透过搞笑短片传递正能量，
也以自己的人生故事带给读者一个信息——
“好多人就话唔得唔得，
我而家就系畀一个几冲击嘅事你睇，
就系一个跛嘅人可以练到上台打拳，
有啲咩系唔得㗎呢。”