90后听陈奕迅成长 骨灰级fans难忘握手：佢好用力好真诚
陈奕迅（Eason）的歌，90后不会陌生。纵使你不是陈奕迅fans，也一定会听过《富士山下》、《人来人往》、《十面埋伏》、《夕阳无限好》等金曲。今年是陈奕迅踏入乐坛21周年，有Eason fans表示，最爱陈奕迅“做自己”性格、也爱陈奕迅的歌声，有股特别的吸引力，“将你拉入去𠮶首歌个空间入面”。
【点击全萤幕观看短片】
阿Wing及阿姜，分别是Eason七年及十年fans；阿姜笑言自己是“骨灰级fans”，访问期间不单可背出演唱会中，Eason与歌迷谈话的对白，更可背出Eason早前参演的电视剧《短暂的婚姻》对白，并指“我觉得系骨灰级fans应该会知啰！”
那么是否要花很多心力去记住关于Eason的所有？“唔需要刻意，听一次就比佢把声有魔力咁，吸咗入我嘅记忆入面”。阿姜说。
另一名自称只是“中级fans”的阿Wing，手提电话及智能手表的锁机画面，分别是Eason的照片及她与Eason的合照，“电话一定系会随身携带，同埋几时都喺度，就好似佢一定喺你隔离陪住你！”
Eason小问答1：Eason的生日是几月几号？（答案在文末）
爱陈奕迅的声音，也爱陈奕迅的自我
两人也认同“陈奕迅嘅歌陪我长大”，阿Wing形容，陈奕迅的歌很有魔力，“如果你夜晚自己一个听嘅话，就系会比佢吸住咗”，更会特意拿出CD机去听Eason的歌。
阿姜就指，陈奕迅的歌，“咩场合咩时候咩地方都可以听”，而除了歌喉以外，阿姜亦欣赏Eason率直的性格。“好似Eason’s LIFE演唱会咁，佢都有讲自己好怕面对人，好怕自己失控，因为当时佢有情绪病，我谂我断估唔会有其他歌手，同你（歌迷）分享佢有几唔开心，或者几有需要大家嘅支持”。
【另看】陈奕迅的歌陪大家成长！ 重新认识150句感动你的歌词（上）
Eason小问答2：Eason在何年参加新秀？（答案在文末）
谈到Eason的歌，两人如数家珍，阿Wing在Eason’s LIFE演唱会中唱出《今日》最为感动，“只系个前奏响起，当堂就觉得正能量爆灯，同埋觉得自己个生命都几圆满”。
而另一首歌《新生活》，陪她渡过失落的日子。“歌词入面有一句，‘新生活要好好过’，净系呢句已经够，𠮶一刻你已经唔记得晒之前啲嘢，重头嚟过！”
至于阿姜，他就指Eason的《大个女》最能为他打气。这首Eason送给其女儿的歌，歌词提及“时光会逼你这副万金之躯，竞逐世上各样乜乜之最，你若要做最尾一名绝对允许”。阿姜指，“唔开心嘅时候听到呢只歌，就会觉得Eason呵我，佢竟然同我讲话你做最尾都唔紧要啦，佢咁样呵返我，真系，冧晒！”
Eason小问答3：Eason在新秀时唱了哪首歌？（答案在文末）
与陈奕迅最接近的一次
每个fans都想见到偶像，追星、追看演唱会、逢签名会必出席就少不免，但谈到最接近偶像的一次，阿姜就指在澳门看完Eason演唱会，落船时发现自己与Eason同船回港，便等待Eason出现和与他握手，“佢只手好淋、好暖、好厚肉，同埋佢系真诚地握返我，唔系净系得我好大力咁捉住佢，所以𠮶一下我都系感受到被爱嘅！”不过近距离见到偶像，始终也相当紧张，“好多说话都讲唔出口，净系识得同佢讲‘我真系好钟意你、你头先唱得好好’”。
【另看】陈奕迅的歌满载友情亲情 重新认识150句感动你的歌词（下）
Eason小问答4：Eason第一只碟的名字是？（答案在文末）
相比起阿姜，阿Wing的经历更为惊喜。之前任职咖啡店的阿Wing，突然在店舖遇到Eason光顾，“佢一出现咗之后，当堂我就好紧张、心跳加速，因为我负责整嘢饮，你阵间就系要准备去整一杯嘢饮，亲手交比你偶像”。
Eason期后亦有多次光顾，直至一次放假的阿Wing从同事口中得知，Eason打探“阿Wing有无返工”，阿Wing大喜，“当堂系觉得自己，哗！喺佢心目中有啲地位呀大佬！其实都真系几感动嘅！”
Eason小问答5：Eason背上的纹身是甚么模样？（答案在文末）
Eason入行转眼21年，阿Wing指因为陈奕迅，数年前认识到一班Eason fans并成为朋友，至今仍一直有联络，感谢Eason带给她友谊。阿姜指“好想多谢陈奕迅，教识咗我音乐系一个好好嘅传送媒体，你用音乐治疗咗好多人嘅人心，都多谢你将好好嘅音乐带去我生命入面。”
【另看】细数林夕经典 25句感动你心歌词
Eason小问答答案：
1. 7月27日2. 19953. 望月4. 陈奕迅