【大学生Ocamp】玩City Hunt有乜错？新生应该热血 唔理世俗目光
“一年容易又Ocamp”，大家有冇在街上遇到班大学生，穿上各种颜色的T-Shirt，突然出现在大街小巷？好多市民都为之侧目，认为这班人行为古怪，突然企晒在街上，又会突然跳舞怪叫，都唔知系到做乜！
做得大学生，就系要唔好理世俗的眼光，未至于凡事我行我素，不过集体行动，团队精神，咁先叫热血，咁先系春青呀！
年初肆
世界光怪陆离，无人独善其身。嬉笑怒骂，冷嘲热讽，皆成文章。有人话，边个揸住支笔，边个就是无冕皇帝，就让我做多一回皇帝。
“做得大学生 就系要唔好理世俗的眼光”
每次大学生玩city hunt，都会被网民狠批，认为是阻街，而且行为低能反智，一啲都唔似大学生。但系做得大学生，就系要唔好理世俗的眼光，未至于凡事我行我素，不过集体行动，团队精神，咁先叫热血，咁先系春青呀！唔通叫班大学生缩在校园内，粒声唔出的在打坐，静静地dem beat（叫喊口号）咩，咁样对得住年轻咩？
Ocamp大学生大晒
每次在街上见到著晒同一系列Tee，在街上玩紧City Hunt的大学生时，我都好感慨，“突然又已一年”。睇住佢哋大热天时周街走，都戥佢哋辛苦。不过每次见到这情况，都见到路人流露出不屑的眼光，而且议论纷纷，基本上都是一面倒，话这班人都唔知喺到做乜，又嘈又阻街，“乜现在大学就系玩啲咁嘅嘢？”、“Ｏcamp真系反映到香港新一代啲品味愈黎愈低劣！”虽然我都大学毕业了n年，但真系要撑大学生，要同这班freshman评反。其实佢哋玩city hunt有乜问题？佢哋嘈到你几耐呀！重点系，你有冇资格玩先？
坦白讲在香港玩city hunt，无可否认真系会有点阻街。大O的city hunt，随时有过百人一齐玩。好多商场保安员见到成班大学生著晒系tee走过，都会如临大敌，随时准备好会有商户、顾客投诉，要想尽办法赶走这班不受欢迎的“客人”。不过，好彩佢哋唔会留在商场好耐，最多咪有一两个任务路经这里，咁你都要介意？
作为搞手，当然希望同学仔玩得开心投入。刚入到Ocamp都仲未热好身，好多团体活动玩起来会有些尴尬，搞手亦好难带起气氛。而city hunt就是一个绝佳的机会，𢌿fm有机会多些沟通。始终在街头会遇到许多突发事情，互相沟通接触多了，就更容易投入接下来的团体活动。你睇下班人，真系毫不尴尬，大叫dem beat咁投入，就知系一种团队精神，燃烧紧心中一团火呀！Ocamp就系大学生大晒呀！
睇番oamp里city hunt这个环节，好多时要去唔同的地方做任务，有时候纵然你在香港生活了十几年，都总会有些地方系你唔为意，会感到陌生的。但透过这任务，真系大开眼界呀！而且仲有时间和机会畀freshman齐齐倾下点做个task，咁对整个Ocamp都有利。不过今年Ocamp就遇著打风，好多时city hunt真系入埋商场搞。
今年有大学去咗时代广场入面做任务，结果又被网民狂插。唉，我真系要讲句，咁都唔包容吓？商场都未投诉㖞，你班网民食住花生都要嘈？与其闹人阻街，香港人应该学吓体谅！
Ocamp一年一次 香港人应学识体谅
讲真，city hunt有几阻街呀？真系咁严重咩？Ocamp一年都系得果几日啫，阻得你几多，又唔见你嘈啲旅行团在街上周街走？大学生都一样有使用街道的权利吧！唔系话大学生就大晒，不过佢哋都有权使用公共地方，行街和去商场，有乜问题？
Ocamp有冇意义，我估只有参加过的人先可以有资格讲嘢。至于city hunt这环节，都有好多值得争议的地方。当然，我都奉劝各位搞手和同学仔要控制吓自律吓，尽量唔好阻咁多位，行埋一边唔好阻街，可以的话尽量细声少少，唔好嘈住其他人，记住唔好阻人做生意。其他嘢，大家忍让吓啦。你又有没有玩过city hunt，点改先会好啲？不妨留言讨论。
你都想成为开笔一份子，稿件可电邮至opener@hk01.com；文章纯属作者意见，不代表开罐立场。