港男怒控面包舖拒收“样衰$2蚊”法定货币唔收犯法？法例原来咁写

越来越多港人北上消费，除了留港成本越来越贵之外，香港服务行业的服务质素也经常被人诟病，而近日就有位港人买面包西饼时，因付款硬币的外表问题而被拒收，大叹香港人钟意北上消费，不是无缘无故。

近日有位港人在Facebook讨论区“西店hi客之道”投稿发文，分享自己经常会到葵芳一家面包舖光顾，而店舖的收银姐姐“都系黑口黑面，奉旨唔会同啲客人讲多谢”，不过楼主就表示通常付款后便直接离开店舖，“攞咗面包就走，唔理佢算数”，而在投稿当天事主就“赖嘢”，当天事主购买四个面包，总共$32 ，事主就用一张$20港币和一张$10港币，以及一个两蚊硬币付款，该收银姐姐因事主付款的两蚊硬币外表不佳而拒收，“居然话个银唔靓，拒收㖞”。

其后事主便要求转用八达通付款，该收银姐姐表示八达通坏机，“叫我咪X买”、“唔钟意咪唔好买”，并呼喝事主取回所有现金，“话唔做我生意㖞”，事主唯有到旁边面包店买，“即刻摆返低啲面包，攞返啲钱去隔离面包舖买过啰”，大叹香港人喜欢北上消费，并不是无缘无故的恨，自己留在香港消费还要受气。

帖文随之惹来许多网民留言讨论，不少网民都表示曾在该面包舖受气，“公道讲句，个收银阿姐平日态度真系超差，好似我欠咗佢咁，所以我都系趁佢唔响度先入去帮衬”、“我都试过，个5蚊系佢找比我，第二日买包比番佢，佢话唔收，之前日日帮衬，之后宁愿唔食，或去OK买，最后执埋”、“使唔使出街前用洗银水洗过D银，熨直哂D银纸先去帮衬”、“正因为呢啲舖头，稍为污糟少少嘅钱我都唔敢就咁俾人哋，搭巴士入落钱箱洗咗佢算”、“呢个阿姐的确真系黑口黑面”，亦有部份网民认为楼主态度同样不佳，“事出必有因”、“睇你用字应该语气都唔方好，今次我真心觉得打和”、“虽然系店员西，但系投稿人讲嘢太粗俗唔想比惨惨”。

也有部份网民震惊原来商舖可以拒收硬币，“唔明！法定货币有权唔收？”、“银行都拒收，唔好讲店舖”、“其实个银唔靓同佢个法定地位有乜关系？”，而在法律层面上，商户没有义务必须接受硬币作为付款方式，根据《法定货币纸币发行条例》及《硬币条例》，所发行的纸币和硬币均为法定货币，香港并无禁止商舖拒收法定货币的规定，即商舖既可拒收金牛，也可拒收毫子，甚至可以拒收港币。