YouTuber大J欲环游世界3个月　为悭旅费全程向粉丝借宿挨轰：乞衣

香港YouTuber兼KOL大J于2012年开始拍片记录生活，近年虽与日本太太Mai移居日本，不过依然在YouTube活跃分享日本生活，近日更在Facebook社交网站出帖文，表示打算用三个月时间环游世界，不过为了节省旅费，他希望全程借宿观众屋企，惨被网民狠批“乞衣”。

大J近日在其Facebook社交平台出帖文，表示自己有意用三个月环游世界，“我考虑紧打算用三个月时间去环游世界，但为咗节省旅费，有冇可能全程借宿观众屋企呢？瞓地板、有瓦遮头、有得叉电就 ok㗎喇”，更在留言补充虽然是环游“世界”，“不过应该都系去10几个国家。亚洲同东南亚唔会去，南北极唔会去，净系欧洲非洲北美南美… 其实可能唔使用3个月咁多添”。在机票使费上，大J表示如果全程乘坐经济舱，大约只需$25,000，大概可以赚取39,000飞行里数，“够晒去10几个国家”，并表示“度下个行程，最快秋天出发”。

帖文一出后网民评价两极化，有部份网民不屑大J借宿行为，“为了节省旅费，可以去到几尽”、“要带够纸皮”、“咪咁乞衣啦”、“有钱去旅行，冇钱住宿？”、“应该所有粉丝都想去你日本屋企，有借有还应该唔难”、“如果唔使冲凉，好多餐厅都可以啦”、“快啲睇小红书啦，听讲里面有教免费游香港方法，可以参考下，套用落其他国家都得唔得？”、“应该学我国的旅游方式（瞓街）”、“为咗节省旅费，可以睇电视当去咗”。更有网民笑称大J环游世界的香港站有许多选择，“返嚟香港瞓天星码头就得，等你谂少达地方”、“香港可以去我度”。

同时亦有部份网民支持大J环游世界借宿行为，更愿意借出自己在各地的住所，“我喺美国LA有间房都可以借宿㗎”、“来，温哥华，我有多间房，不过屋就细啲，惊你唔惯”、“去英国我谂你可以住足一年”、“有冇英国站，我哋有间客房”、“你相识满天下，应该可行”、“好明显系拍片嘅素材，你估佢真系咁穷咩”、“你成功拍到，我想睇，要咁多日借人地屋企训唔系易事，如果我唔系住香港，我都唔介意借比你训”、“环游世界睇楼团”。