东张西望何太轰5子女常问何伯攞钱　爆大仔月入20万：高级过处长

《东张西望》76岁何伯事件已发酵多个多星期，新何太继续在抖音发功，除了直播跟何伯湿吻、何伯自爆一晚五次、可以凭个人实力将450万变为4500万之外，还有跟林作接洽合作告吹而互骂都热爆网。近日再有网民在社交平台分享声称是何太于粉丝群内的言论，期间何太公开不少家事，《东张西望》也再预告何伯何太再现身，全城继续大剥花生。

有网民近日在facebook群组“何伯＆何伯老婆关注组”张贴疑似何太的千语BＢ生活语录的粉丝群对话，新何太在群内继续大谈何家家事，指何伯现在“穷到㶶”也不离不弃，“佢咁穷仲可以送啲咩畀我啊，不过佢对我好好啊。系啊，佢好爱惜我就够啦。”不过新何太指何伯承诺会送金条，“我老公呢度讲啊，佢话如果啲钱佢收返嚟咯，佢话送两根金畀我。”

新何太更在群中指何伯仔女只问何伯攞钱，“同佢哋来来去次旅行啊，一年一餐都食，我老公万几蚊一餐饭钱，所以我老公边使佢哋养啊”，“仲有啊，有时啊，啲大姨仔啊，冇钱交保险费5万蚊噉，我老公惊畀一个又话佢偏心，又每人都5万噉样，我老公信人好好”、“我老公又讲啊，佢大姨仔排牙啊，做咗11万几啊，都系我老公帮佢畀”。群组内新何太部分语句辞不达意，未知是语音翻译问题还是其他原因。

新何太除了大爆仔女使何伯钱，更指何伯亡妻当然患病也花了大笔医药费，“佢个前妻当时病都医咗几百万啦，唉，系啊，前妻即使讲佢系有份噉佢死先噉佢话一继承权就系另一半仲活喺世上，边有可能咁盟塞(齆塞)，你偏帮啲咁无良心咁黑心既仔女夹硬抢钱啲人既。”何太更在群中指何伯对仔女一好爱惜，“个个培养得好好”，“有乜嘢事佢个老父亲都系帮佢哋拆掂”。

新何太更疑似爆何伯大仔的职业好高级，“佢既（嘅）大仔做边行啊？佢既（嘅）大仔都系懂法嘛，都系高级官员”、“大仔好高级。嗯，仲高，高级过处长”、“佢大仔何止系高级督察？唔系啊，佢廿几万一个月”、“细女既（嘅）工资应该唔系好高咋，佢啱啱喺度做三年到嘢咋”。

对于新何太语出惊人，不少网民也抱半信半疑的态度，也质疑何太所讲的大仔高级过处长究竟是甚么工，认为何太这样紧张何伯的450万感不解，“唔讲以为钱系新何太既（嘅），笑死人咩”、“除左（咗）钟意钱系真，其他都系假”、“人哋揾几多关妳X事咩”。