【老虎仔周记】老虎仔为鸡翼以身犯险　偷食断正用绝招成功脱身

爱护动物无分国界，《香港01》宠物频道及其facebook专页欢迎你投稿。本文由老虎仔主人Faith投稿，今回提及老虎仔对餐桌上的鸡翼总是虎视眈眈，甚至尝试出手偷走鸡翼，可惜最终事败。

上回提到，经我一番苦练之后，终于练成了开门功，点知都系一场欢喜一场空。其实我仲有一项秘技 (当然唔只一样)，就系...扮嘢。虽然朕天生聪明过“人”，但始终系只猫，所以都有个死穴，就系很嘴馋 (为食)。不过，我咁醒，当然唔会咁易比虎爸虎妈发现啦⋯⋯我以为。

童年阴影养成为食性格

我帮自己做心理分析，可能这死穴和我在保加利亚细个时，与曾离家出走流浪的童年阴影有关。在那里，通街都是流浪猫狗 (有点夸张，不过真是有很多)。离家出走之后，我平时就要靠自己在垃圾筒内揾野食。遇到有人扔垃圾，我就会扮可怜悲鸣不已，等佢下次扔垃圾时带多少少嘢食比我。不过冬天就最惨，因为漫天风雪，揾鬼日日扔垃圾咩。

虎爸虎妈收养咗我之后，我当然唔使再出去垃圾堆揾食啦，不过正所谓江山易改，禀性难移。每当佢哋开餐，我都一定会摆出一个萌样，坐埋过去。初时，佢哋觉得我好得意，因为食饭都一定会过去一齐坐，好似一家人齐齐整整似的。不过两奴才竟然无谂过要比嘢我食，以为我剩系坐埋一齐已很满足。唉，无厘醒目，不过唔怪佢哋，因为之前朕已经讲过，我系聪明过“人”。。。(下删一万字)

老虎仔面对鸡翼情难自禁

在此情况，大家觉得我会点算呢？就系施展我一开始提到的秘技啦，系咩？而家话你知。

我一坐埋去，当然眼都唔眨望住碟鸡翼（唔通佢哋知我钟意食，唔系点解餐餐都鸡翼）。不过我唔会轻举妄动，一分钟，两分钟，三分钟，我就...郁都唔郁，因为虎爸虎妈刚开餐，应该系好肚饿，所以都会集中万二分精神望住碟鸡翼（都唔明佢地点解唔煮多几碟𩠌，咪唔使四只筷子集中在碟鸡翼上斗过你死我活啰）。

所以我会等，等，等，等，但同时我只手会伸，伸，伸，伸。因为等到佢地酒过三巡、言谈甚欢之时，森严的戒备必定松懈，我可以乘人之危，以我瞬雷不及掩耳的速度，在电光火石之间成就我的大业。哈哈！！

▼▼▼点击相片看老虎仔示范开门绝技▼▼▼

使出绝招化险为夷

谂系咁谂。正当时机成熟，佢哋唔单只言谈甚欢，仲顾左右而言他时，我便将我越伸越高，越伸越高的手（我坐在老豆的大腿上），打算出击之时，佢哋竟然真的顾左右...望到我只手伸咗上来！

呢次断正！幸好我情急智生，立时将已经伸上来的手硬生生的止住，就像点了穴一样，世界完全停顿了！

两个奴才真系好蠢，见到此情此景，竟然没发现我想偷食而悖然大怒，反而话：佢好Cute啊，成只招财猫咁！唉，佢哋真系无得救........我啲鸡翼都无得救啦！