司机不满恶流浪狗 开车撞跛狗前脚？ 事主：系只狗自己撞埋墙！
昨晚网上流出一张疑似自认开车撞跛狗的WhatsApp对话截图，其对话提到事主不满狗只经常偷袭他，所以撞跛了其前脚，但事主今日回复我们指：“系误会嚟，只狗吓亲自己撞埋墙！”
有关WhatsApp对话截图昨晚在facebook专页“猫猫狗狗世界趣闻快快乐乐毎一天”发布，图中所见，有一名叫Roger的人说：“呢只衰狗成日想偷袭我，今次畀我吓到撞跛只左前脚。”并附上一张狗只站于车前的照片。
不少网民看到后表示愤怒，批评事主“冇人性”，甚至咒骂他“你也会好快撞车死”、“等睇车主唔死得返一只左脚”、“你大难不死也终身残废”等。
《香港01》联络了事主Roger，他指事件是昨天发生，但他不愿透露事发地点，只说是香港的乡村地方，并解释事件只是个误会，他说：“我开车，只狗吓亲自己撞埋墙，啲狗咁醒点会畀车撞啊，撞到细路都未撞到佢啦，我点会明知犯法嘢仲拎出黎讲啊，傻㗎咩！张相入面㗎车唔系我㗎，我边有钱揸Benz！”
Roger亦提到该只流浪狗现时身体并无大碍，但事件发生后未有带狗只给兽医检查，并谓：“今日都见佢已经无事，行得走得。”
事件在网上公开后，有不少网民打电话及发讯息给Roger，指骂他虐狗，对此，Roger表示：“都唔知点解会搞到咁大件事，啲人系咁叫我快啲上水，又话要报警，我都同佢哋解释咗，但我唔怪佢哋，佢哋好有正义感，要继续闹我都会同佢哋继续玩！”
更多宠物文章：【TVB主持钟晴嫌工厂狗污糟 言论被斥教坏人 其后FB发文道歉】
Roger亦表示该只流浪狗有另一只同伴，而两只狗平日都对人不友善，他指：“咩狗系人类嘅好朋友，狗同人一样好鬼衰，𠮶两只狗好似流氓咁，专烚女人细路，成日跟喺女学生尾，作状想咬佢地咁，吓到啲女人系咁叫！喂嘢食畀佢，佢仲想咬返人啊！”
向来重视动物权益的立法会议员邝俊宇表示：“喺对话中见到佢（Roger）好轻率，觉得呢件系趣事嚟，其实一啲都唔好笑，因为无论你用咩方法令到只狗受伤都系错误嘅，而且系有机会触犯《防止残酷对待动物条例》，希望呢一个人佢要留意下。”
此外，邝俊宇指现时《道路交通条例》未完善，猫和狗未有纳入条例中，现正进行公众咨询修订条例，以保障猫猫狗狗的生命。
更多宠物文章：【混种狗狗于元朗走失两星期 主人称：天生体弱需准时服药】