【万千星辉】陈山聪得最佳男配角　上台喊晒：好多谢公司无放弃我

《万千星辉颁奖典礼2017》的“最佳男配角”竞争相当激烈，基本上几个人都好有力竞争呢个奖，例如入围五强的张振朗、陈山聪、何远东、欧瑞伟，赛前呼声最高的是何远东，因为两套剧中都有出色的发挥，袁文杰则因为“游生”一角而爆红，欧瑞伟就系因为“KC”，山聪、振朗在星、马颁奖礼都已经有奖落袋，又系有力竞争者，所以真系好难估！

【万千星辉】杨明入行18年终于拎奖 当年险被TVB炒鱿好彩翻身快

【万千星辉】全球网民最喜爱剧集《降魔的》夺得 绝对实至名归

【万千星辉】01有票俾你投有结果喇！ 全民拣《降魔的》成大赢家

结果就系陈山聪！未上台就已经喊晒口，在说感言时更加哽咽非常，他说：“我想借今晚大家嘅掌声俾各位入围男配角嘅人，大家都咁出色，好多谢公司无放弃过我，令我有一个机会俾我行我重新嘅人生。多谢两位系背后对我有恩嘅伯乐－乐小姐同珍姐，无呢两个我唔可以企喺度。多谢台下信过我陈山聪嘅监制，同埋要多谢文伟鸿，多谢《同盟》嘅兄弟姐妹。仲有我兄弟鸿仔（郭政鸿），喺我人生最低潮嘅时候无放弃过我，我会把握我所有机会，希望可以同陈展鹏争最佳男主角，多谢！”

【万千星辉】网上疯狂吹奏真系有用？　大小姐林淑敏：今晚冇奖唔会失望

【万千星辉】王浩信尽地一煲　好有信心攞视帝：系我梦想嚟

【万千星辉】真空上阵咁大阵象？　高海宁：件衫无嘢露，唔使打底

陈山聪在后台表示多谢好友郭政鸿，这段兄弟情无法取替：“我最唔开心嘅时候，佢（郭政鸿）一路陪咗我，我经历咁多，佢就陪我经历咁多，开心唔开心，佢都喺我左右，喺我寂寞嘅时候，佢都陪住我，同埋我两个契女，我同自己讲，如果我香港攞到奖，台上一定要多谢佢，（佢边句说话最鼓励？）无㗎，男仔同男仔之间，系一种倾偈，然后一种交心，已经好足够。所以呢个兄弟系永远㗎。”