【打工仔e肚仔日记】厨艺师承韩国师傅 西环韩式小店秘制酱油炸鸡

炸鸡，看似简单、度度都食到嘅小食，但其实好食与否，都好考厨师手艺，好彩嘅，就食到炸鸡，唔好彩嘅，就系炸粉…..

呢间位于西环嘅韩式小食店“Popcorn chicken”，出品嘅炸鸡就系来自曾经系韩国学师两年嘅老板Ricky，为左保证大家食到100%美味炸鸡，Ricky系烹调方式同秘制酱油上花左唔少心机。

以招牌菜“秘制韩国酱酒炸鸡”为例，鸡肉会提早一日用六、七种调味料腌制，保证够入味。经过油炸后，Ricky仲会亲自为每件炸鸡搽上秘制酱油，冇错，系逐件搽，以保证每件炸鸡味道均匀。而呢个Ricky嘅秘制酱油更系专为香港人调制出黎，将韩式同港式mix埋一齐!嫌“秘制韩国酱酒炸鸡”唔够韩式？“韩式大葱炸鸡”岩哂你！Ricky加入大葱同韩式甜辣酱，非常开胃。Ricky更特意加良韩国翻炸嘅手法，每份炸鸡都系新鲜即炸，保证肉质新鲜juicy!

西环<爆谷鸡 Pop Chicken Korean Restaurant> : http://bit.ly/2NPsMmU

======================================

同场加映 - 【e肚即飞✈️】送台北机票活动

心思思又想飞？e肚仔帮你预留咗免费台北机票，食多几餐e肚仔，张飞刘备你！🤩活动详情👉 http://bit.ly/39YQqqw