【兰花劫】田蕊妮入无线处女剧终于出街 等足十年：我唔够卡士？
撰文： 林通贤
出版：更新：
无线10年前剧集《兰花劫》，将会紧接《不懂撒娇的女人》出街，点解这套剧被封尘10年?真系咁正要摆10年?不是威士忌吧?越耐越醇。今日田蕊妮出席《兰花劫》活动，她表示当年亦因为这套剧不播映而不开心，她说:“当年有少少唔开心，因为拍嘅时候好辛苦，我哋真系去蓝田石矿场揼石仔，𠮶到好热㗎，又去域多利监狱拍，真系好似坐监咁款，𠮶阵知唔播，我会谂系咪因为我做得唔好呢?我系咪唔够卡士呀?所以唔播呀?但我估都系公司决定啦。真系有唔开心，拍咗梗系想有人睇。”
《兰花劫》10年后出土，令人有不少忖测，是沧海遗珠还是权力斗争下的牺牲品呢？关于这个问题连视后阿田都答唔到，她说：“当年唔播我都揾唔到原因，我就真系唔知咩事?高层嘅事我唔理㗎，我唔知系咪有咁嘅事?还是系后创作啦？但永远考究唔到嘅嘢，我系唔会花精神同时间去谂。”呢个真系最聪明答案，唔知永远最安全。