【兰花劫】陈自瑶旧剧摆足10年出土 少女变人妻：𠮶阵未识王浩信
撰文： 林通贤
出版：更新：
正所谓人生有几多个10年，想不到一套10年超级仓底剧《兰花劫》会在今天破土而出，认真无奇不有，剧中当时是新人的陈自瑶今天出席记者会，她亦觉得剧集忽然出街绝对不可思议，她说:“真系冇谂过10年之后会出街呀，我知收费台播过嘅，但我𠮶阵都冇睇，10年前我仲记得自己好新，我一定睇，睇返自己𠮶阵嘅演技系点。同埋自己𠮶样。”
陈自瑶10年前是新人，现在是王浩信太太，拍《兰花劫》的时候还未遇到老公，她说：“10年前我未遇到佢，我今朝出门口，老公问我去边？我话我去宣传，佢问我宣传咩嘢？我话剧集啰，佢话咩剧呀？妳拍咗剧我都唔知？我话《兰花劫》呀！佢好惊讶，仲问我有份㗎咩？𠮶阵我都未识佢!！我记得拍𠮶阵都辛苦嘅，真系去到女子监狱取景，因为好多女仔一齐拍啦，大家有讲有笑，其实都开心嘅。”
最近老公人气急升，当中王浩信完美Body，全靠烚菜、烚肉餐单，原来全部都系Yoyo负责，她说:“佢啲地狱餐单好多都系我煮俾佢，因为佢要食咁清啖嘅食物，咁要屋企整啦，咁即系我整啦，佢会同我讲三餐要食咩?我就会谂下点将佢整得好食少少,等佢冇咁痛苦，可能煎少少，攞好少嘅盐，等佢有少少味，唔想佢食得咁辛苦啰。”有陈自瑶这个太太亲煮食物，就算地狱餐单无味，王浩信都觉得甜啦。