【溏心风暴3】翠华赞助又系讲茶餐厅　监制：唔会hard sell

TVB重头剧《溏心风暴3》的剧集人马今日终于登场。过去两辑就讲海味同月饼，咁今辑又讲乜呢？原来以港式茶餐厅，剧中台柱夏雨冲港式奶茶起家。而记者会上，见到布景板所示，由著名兼上市食肆翠华茶餐厅全力赞助，会上亦大派品牌奶茶及奶油猪，令人联想到时睇剧会有几个包在左近，硬性推销翠华奶茶。

问到《溏心3》总监制刘家豪，故事取材会否与翠华有关，他连声否认：“当然唔会啦，上次《家好月圆》个时都有饼家赞助，但故事都唔关事㗎。咁啱系有茶餐厅赞助啫。”总监讲到，新剧的茶餐厅名字叫“家昌茶餐厅”，寓意家和万事兴，但夏雨一家以“港式茶餐厅”起家，既然有sponsor，到时又会否有赞助商植入式推销先？总监话：“咁就当然唔会啦，亦唔会hard sell奶油猪嘅。”总监讲到，除咗有港式milk tea，另外一家人钟意English Tea𠻹。