Alan@E-kids怒轰Tommy为抽水屈曾志伟改队名：你当我同阿Tim死嘅?

千禧年代的MK男团E-kids，元祖成员有阮民安（Tommy）、林咏伦（Alan）和郁礼贤（Tim/Kasa），当年获“校长”谭咏麟、曾志伟及陈百祥等提携，成为StarEast（东方魅力）旗下组合。近日曾志伟帮《亚洲超星团》9人新男团改名“Loong 9”，引起不少话题，有人抽水，又有人取笑队名似粗口谐音。

而Tommy日前就撰文表示，当年E-kids的名字都由曾志伟改，而且前身名字“A4”更尴尬！Tommy发文时未有开名，全程以“153”称呼对方，但就附注了曾志伟饮醉酒的旧照，他说得悉对方帮新组合改了个“X名”，心想对方是否饮醉了，但又觉得不意外，并说突然觉得对方当年帮自己组合改名做“E-kids”已不算太“X”，他说：“话说原本我哋唔系叫E-kids的，153第一个帮我哋改嘅名，仲癫！系叫做 ‘A4！！！’当时年少轻狂的我喺佢哋兴高采烈咁隆重介绍我哋嘅时候冲口而出咁讲咗句，我：‘A4？？？纸嚟㗎？？？’之后全场静晒，然后153即时黑面加散会。”

他说自己再三坚持下，组合才成功改名做一个较易接受的队名“E-kids”，不过前队友林咏伦（Alan）就在社交平台指Tommy讲大话，轰Tommy抽水攞光环，他说：“我可以好肯定A4唔系曾志伟改，E-kids又肯定系公司改~好心唔好成日抽水攞光环喇！”
他激动说：“他表示：“因为未出道时系4个人，当时经理人改叫‘A4’不是曾志伟改的，第二笑A4纸是当时出席某D活动，我哋经理人介绍俾林珊珊识时（珊珊姐）就开玩笑说4A?纸嚟㗎？讲真有时唔好咩都出嚟认屎认屁~平时你点话依个话个个都无所谓，但咁屈X以前扶持过你嘅人我就忍唔住（冒住俾人X我都系咁讲🤬）要记住你自己风光时就系度X eKids队友，有水抽时就争X住光环。真系人无耻便无敌”

之后Alan更开直播评论事件，他认为曾志伟始终是E-kids恩人，自己不会这样批评对方，又质疑Tommy：“𠮶个人始终帮过你，如果比著我都唔会咁样讲，睇得好唔开心，𠮶个人帮过你，而家飞黄腾达你就会对人好嘅；但如果帮过你，你自己唔得嘅，一有啲咩你就去‘扰’人，咁边个同你玩啫？”

Alan坦言过往已发生过类似事件，不过自己一向不理会其他人讲什么，坚持行正途，知道E-kids是大家的集体回忆，所以不想多出声回应。不过今次他确实忍无可忍、睇唔过眼，Alan说：“有人话阿边个咁样讲，系咪真㗎，我会问，你觉得呢？唔怪得佢哋，佢咁讲人哋咪信啰，但系你可以当我同阿Tim死嘅？可以自己咁样去讲，我觉得好搞笑啰！你唔捞啫，大家都捞紧，唔好搞到得罪晒啲前辈，讲真，冇佢就冇我哋今时今日。”他更寄语Tommy：“揾唔够咪努力啲啰，唔使咁样，我真系做唔出。”

他解释“A4”队名是因为组合成立初期的确有四个人，第四位是《中年好声音2》参赛者高伟健（阿鬼）；组合又曾构思过改名为“花刺”、“新人类”等等，而“E-kids”是由Tony Chiu所改，Alan强调：“唔尊重唔紧要，唔好诬捏人。”