婚后事｜谷娅溦片尾曲指侵权惨连累家人遭网民狂闹：超越咗我底线

无线热播剧集《婚后事》片尾曲由谷娅溦主唱的《阿拉斯加海湾》爆出版权风波，原唱的马来西亚歌手菲道尔对歌曲被翻唱不知情，令谷娅溦惨被网民攻击，而监制林肯称在2022年8月拍完该剧后，已向版权发行公司取得授权。

今晚（7/3）谷娅溦现身电视城出席无线综艺节目《奖门人 Happy Easter 感谢祭》录影时，就事件接受《香港01》访问时表示：“其实我就真系唔知道发生咩事，呢啲问题就一定要交俾公司去回应，我相信TVB都有回应喺2022年已经买咗个版权，可能中间有啲咩误会我就唔知道。（觉唔觉得躺着也中枪？）其实我作为艺人都经历呢啲嘢唔少，所以一开始我又唔觉得有嘢。（事件有否为你带来压力？）我自己就觉得冇嘢。对于有网民不礼貌嘅行为闹埋我屋企人，呢个已经超越咗我嘅底线，我就觉得佢哋系咪应该礼貌啲呢？同埋唔应该咁激进。因为你闹我唔紧要，我知自己系公众人物，但佢哋闹埋我屋企人我真系好唔开心。”

谷娅溦指出作无线作为一间大机构，对任何创作版权都十分尊重同重视，绝不会盗用他人作品：“我好相信无线一间咁大嘅电视台，一定唔会做一啲涉及法律上嘅问题，呢个系最基本同正常要做嘅事，咁所以公司绝对唔会出现呢啲错误，我相信系喺沟通上面出现咗问题，”