【Ben Sir开Show】唔捞政府工有新出路　Ben Sir：系万中无一例子

Ben Sir为理想放弃“金饭碗”

讲开Ben Sir，其实不经不觉就已经到开show日子。他由本来读英文科转到中文科硕士再读到博士，然后10年前进入大家每晚必看的小箱子内，再之前TVB的节目，再再到现在踏足舞台开show。可说是难得。

访问中谈到，原来他其实在选择读博士前，确实有了一点迷茫，“读硕士至博士中间，你话真系完全冇工开就冇。但系中间2年我有啲迷失读唔读落去好。另外去到硕士尾𠮶时，我要quit咗教官校嘅政府工，冇咗个金饭碗去做助教。突然间去返万几蚊一个月，𠮶度都系一个大嘅考虑。𠮶个时期唔系话好徬徨，因为我已经结咗婚。所以如果青少年想读书稳定啲，就早啲结婚。”系嘅，如果当初Ben Sir选择咗继续打份政府工捧住个金饭碗，可能今日就少咗个笑匠。

香港读中文科都有出路

其实Ben Sir的演出一直都踩界的，无论讲粗口文化、有味笑话又或者政府的题目，都是电视上少见的。究竟对大众会有咩影响呢？Ben Sir语重心长的说：“正面影响系，原本读文科中文出嚟系可以将学到嘅嘢贡献喺表演文化上，同埋系揾到钱嘅。我可以话系万中无一嘅例子，而学生其实可以用返我嘅模式。原来研究广东话系有条咁嘅出路，呢个系紧要嘅。”至于负面影响，Ben Sir笑着说：“负面影响so far我又谂唔到，因为对我嚟讲：卖唔到飞就系负面，卖到飞就系正面（哈哈哈）。”

Ben Sir玩facebook

Ben Sir个人咁潮，就梗系会玩下facebook。在facebook放相同广告片，同普罗大众交流是常识吧。当然Ben Sir咁出位，就一定有弹有赞啦。好在Ben Sir EQ高，唔多介意，“最难听嘅说话咪斯文败类、沽名钓誉啰。十几年前都系讲呢啲，其实都系一模一样冇咩新意。”
另外，Ben Sir在一些节目中教青年储钱的方法，但却惹来网友批评：“你宜家嘅地位，呢个人工当然储到钱啦。我哋宜家点储钱？”之后Ben Sir慨叹：“即系叫人储钱都系死罪。”