王浩信《踩过界》又要剥衫 肌男都除到灰晒：剧本咁写只系跟住做
撰文： 温菁莉
出版：更新：
人称“Signal王”嘅王浩信（Vincent）近年参演的剧集都大获好评，例如《EU超时任务》，《致命复活》等等。而早前《不懂撒娇的女人》嘅Saving更是新一代的“暖男”代表，人气直线上升。而唔知大家发唔发觉，王浩信至少有5套剧都有除衫镜头，被封为“TVB除衫王”。他接受《香港01》访问时表示只是剧本要求，“除衫其实系一件好辛苦嘅事，完全唔Enjoy！”
+7
一众丝打一见到王浩信除衫都晕哂浪兼尖叫声四起，他指每逢见到剧本有半裸镜头时，拍摄前都要花一番功夫去keep fit，“首先我地要系饮食上面keep得好自律先有咁嘅效果，我亦都唔会咁得闲去同监制讲要求我自己除衫。”咁睇嚟Vincent好似唔多Enjoy咁㖞，“我系完全唔enjoy，剧本咁写，身为演员只系跟住做。”至于记唔记得自己拍过几多套剧集系要骚肌肉呢？Vincent就话，“我无刻意去记住，希望观众可以focus返剧集，而唔系留意我有无除衫。”
将于后日播出嘅TVB剧集《踩过界》中，王浩信就饰演一名用“四感揾真相”嘅失明律师文申侠。他为了演好角色，更到盲人中心学习视障人士的生活技巧。而今次佢亦走唔甩，在剧中一共要骚5次肌肉，系入行拍剧以来最多嘅一次，仲话拍摄剧集4个月期间都要食得好清淡。早前Vincent拍摄《不懂撒娇的女人》期间，有幕出浴戏同半祼跑街，他当时就透露要食足3个月每日3餐烚菜、烚蛋、烚肉、再加少量红米。所以话世界上边有免费嘅午餐，抵你一剧接一剧嘅！