菊梓乔强势加盟《星演》与何哲图再续前缘：有个信任嘅老板好紧要

菊梓乔（Hana)今日（4/3）现身尖沙咀出席加盟星演国际记者会。提到今次再与前星梦高层何哲图（Herman）续前缘成为旗下歌手，Hana受访时表示：“其实今日呢个地方，对我嚟讲别具有意义，因为大概七年前，我就系呢度同Herman签约。而佢个人就好念旧，佢就话喺边度开始，就要喺边度开始，咁所以就拣返呢度举行记者会。”

Hana续说：“其实我同佢都有沟通过，我哋大家都合作咗一段好长嘅时间，大家都好了解对方，而佢亦系我嘅伯乐，亦系我心目中好重要嘅师傅，同埋佢真系好支持我，亦好相任，咁所以呢种关系系好难再遇到，有一个信任嘅老板系好紧要。（会唔会Herman冇喺星梦做之后冇人再照顾你，变咗资源分配唔均衡？）唔紧要啦，都过去咗。相反我就觉得而家系要再发力，要追返好多嘢，因为好多朋友都唔记得咗我，但亦都有好多朋友仲记得我嘅。咁所以要做返多作品俾大家。”

被问到日后会否出席无线剧集《逆天奇案2》宣传活动？Hana表示：“如果佢哋邀请我去，我一定会返去。（同无线冇任何芥蒂？）冇，同何生（何丽全）都好熟，而佢亦都好关心我。（佢都支持你转会？）支持，因为佢觉得艺人多方面发展系好事。”