陈子聪病愈首亮相何超仪撑拐杖陪伴 吴浩康预告CLOSER重新活跃
撰文： 洪晓璇
出版：更新：
久未露面的陈子聪联同24味出席《The Wild Ones Music Festival》第二场，陈子聪出场成为全场焦点，台下欢呼声不绝为他打气！
陈子聪表示再踏舞台感觉开心，笑言每次演出都会紧张，见到台下观众投入，大赞香港Fans好气氛：“有一样嘢真系好多谢香嘅港市民，真系好多爱，我喺边都会走埋嚟祝福我身体健康，真系好感谢！香港人真系好多爱！”队友台上饮酒唱歌，陈子聪就话自己戒酒多年，珍惜身边嘅一切：“我2016年开始已经冇饮酒，我饮够啦！依家饮食都好清淡，经历过呢啲阶段，你会感恩，你嘅生命会自然乖啲。”
太太何超仪亦在场支持，直言老公表现满分：“其实佢身体仲好过我，我觉得我老公今晚系好型！好在佢听我话，本来佢好想扎髻，我就叫佢放番啲头发落嚟，仲带佢去行街买衫添。”而队友Brain见陈子聪重回舞台感兴奋，激动到爆粗为好友打气：“只要佢搞掂晒，我哋就可以做多啲骚！”
同场嘅卢巧音现身为乐迷带惊喜，除外套更搞到热血沸腾：“咁耐冇见大家咪除吓啰（再性感啲？）够啦，问吓Sammy先啦！”而KOLOR即将举行巡演，更计划去英国放假：“好多朋友喺英国，可能邀请啲朋友陪我地跑步做运动，了解吓大家啲文化。下年我地20周年，会出威士忌纪念版，应该会搞演唱会庆祝。”
而吴浩康近日工作不断，呢日以组合CLOSER单位现身：“嚟紧两边都会参与，因为都系两批观众，而下一站个人演唱会嚟紧都会公布。”