张致恒话有两份工承诺会还钱　现因凑仔返唔到工：生之前冇安排好

张致恒（Steven）与区燕雯（雯雯）两公婆长期陷入财困，虽然去年暑假Steven因被影到在小食店打工，获网民赞争气，不过之后他已冇做，这段期间亦转过不少工作，派传单、开YouTube、搞制作公司、情趣用品店等，但就不足以应付其支出，更被爆欠下街数等。

张家有四个小朋友和几只狗要养，而且更祸不单行，早前雯雯透露小朋友确诊自闭兼过度活跃症，令她身心俱疲，又说：“最近小朋友先跌爆咗只耳仔，医生同我哋讲呢类小朋友一年起码会去几次急症室，要有心理准备，而（依）家每一日面对佢嘅行为情绪都系一个好大嘅挑战。”由于新的家佣要两个月后才到埗，目前两公婆不方便同时出去返工，否则小朋友就冇人照顾，这令他们的经济状况更为捉襟见肘。

日前，张致恒已完全放弃面子，直接在IG上载他在支付平台的收款QR Code，公开呼吁网民帮帮手，示意大家“捐款”给他们一家人渡过难关。张致恒写道：“我知道呢个唔系一个明智嘅决定，但系我真系已经去到顶唔顺嘅地步，过埋呢个月所有嘢都可以回复正常，所以真系求大家帮吓手。”

网民狠批他有手有脚却摊大手板问人攞钱，多番叫他正正经经打份工，而他昨晚就在IG出限时动态澄清自己有返工，而且更是两份，并否认自己故意唔还钱。张致恒说：“其实我已经有两份工作，不用再介绍我工作，如果我冇钱系因为我唔去做嘢而俾大家闹，我冇所谓，但我而家系因为冇人照顾小朋友，所以我出唔到个门口。事实上一个大人照顾唔到四个咁细嘅小朋友，仲要有一个系需要特别照顾。”他承认生BB前的确不够成熟、没安排好，但情况已逐步改善中，他感谢有心帮助过自己家庭的人，承诺：“到我们安顿好，我一定会逐一去还钱畀你哋。我宜家呀唔系唔想还钱，而系根本而家长期都系负。”不少网民都斥责他连生四个才说当初没安排好，亦有人觉得他说会还钱只是随口开的空头支票。