陈辉阳与王菲录音因一习惯感惊讶　爆女歌手不尊重人恶行拒再合作

曾创作《K歌之王》、《暗涌》、《终身美丽》、《相爱很难》的殿堂级音乐人陈辉阳，近年成立“陈辉阳 x 女声合唱”，以钢琴伴奏联同28位女声重新演绎其经典流行曲作品。近日陈辉阳现身24味的访问节目《24/7TALK》，滔滔不绝分享自己在行内的趣事，以及与多位天王天后合作的秘闻，不过就谈到有位女歌手极不尊重人、超冇礼貌，令他永远不想再合作。

陈辉阳在广东歌、唱片业蓬勃的黄金时期入行，加入录音室S&R做Sound engineer，大部分香港歌手都合作过，提到梁朝伟唯一一只广东碟正是由他“揿机”制作。他以例子形容当时行业的辉煌程度，他帮黎姿做了一只碟，之后收到电话，有人打来说：“有冇搞错？卖得咁少，得4万！”当时4万只碟已算成绩差，但今时今日4万只已是奇迹。

陈辉阳第一首Hit歌是王菲的《暗涌》，主持Brian问他跟王菲合作如何，他大爆原来王菲手字好靓，“佢𠮶时好多歌词都自己写一次，佢啲字靓到可以拍卖！”陈辉阳认为歌手有两种，一是你会很享受跟他工作、很期待再合作，但另一种则是以后不想再合作。先讲享受的，他首推陈奕迅（Eason），“佢唔系净系唱得好，系佢同你做完一个work，可以帮你将首歌带去the next level！你同佢录歌，佢一句可以用10种、20种方法演绎畀你。”陈辉阳认为这是行内绝无仅有的，并透露Eason录歌小习惯，“同佢录音，你每次要同佢倾2、3个钟先”。

他又记得有一次跟陈奕迅录歌，对方问可不可以录到中午12点，然后让他去打网球，他3小时后再回来继续录，陈辉阳指自己不能作主，致电对方经理人，最终经理人不允许，但Eason为了快点打网球，极速交出高水平作品，2、3Take完成，之后如小朋友般问陈辉阳：“我可唔可以打网球呀？”他续说，Eason是非常尊重音乐人与音乐，相反则有此歌手完全不尊重人。

陈辉阳不开名大爆某女歌手的恶劣行径，首先他合作前已知对方“唔唱得”，他说：“唱片公司开头叫我帮佢Produce歌嘅时候，我话都ok嘅，对方话佢唔系好唱得㗎咋㖞，我话我知㗎喇，我尽能力啦。”一见面，从头到尾整个合作经验都令他非常难忘，包括一见面即爆粗，“佢一入嚟录音室第一句说话，X，喺香港度录广东歌都冇X用嘅，我去咗台湾呀，我就唔会再返嚟录广东歌，呢个系第一句说话。”

到之后陈辉阳叫她先坐低，自己去准备，录音时对方的行为将他吓窒，竟然乱作歌词，“佢又好得意，唔睇歌词，佢钟意作啲字落去，我话唔啱㖞，意思都唔啱。有时录到咁上下我会叫佢停下先，不如听下你唱成点，佢话唔停，我要继续唱，OK！唱到中午，录音室同事要放饭，佢话我唔食，我要继续唱，我话咁唔紧要，我叫Engineer食饭、我帮你揿，揿到咁上下，Engineer食完饭，佢又话哎呀，我肚饿呀，食嘢先喇，帮佢叫嘢食。”

而食饭时的习惯，更是让陈辉阳大开眼界，豪迈到令人啧啧称奇，他表示：“佢真系犀利，我好少喺香港见到女仔，唔好讲系咪Singer先，我好少见到香港女仔戙起只脚食饭。呢个真系好神奇！”而最终，这次合作经验并不成功，主要是对方拒睇歌词，又唱极都唔啱，即使之后二人在其他活动碰面，这位女歌手依然贯彻冇礼貌作风，扮唔识陈辉阳，完全冇打招呼。

虽然Brian叫陈辉阳不要开名，否则对方一定被网民闹死，不过另一主持阿Phat就提供了线索，指对方现时在内地都几红；而加上这女歌手曾往台湾发展，唱功又麻麻，加起来已有三大线索，留言栏网民亦联想到某几位嫌疑人，如杨千嬅、梁咏琪、薛凯琪，但当中有不少人把茅头指向张栢芝。