专访｜陈曼娜投资物业出名“ 炖楼” 一个理由绝不租给有钱人

72岁陈曼娜Manna最近出现在ViuTV新剧《飞黄腾达》，剧中饰演炒股女富豪，她大赞剧集监制、导演有眼光，因为现实中的她就是靠投资股票、楼市几十年致富，在剧中可说是本色演出。
对于炒股，陈曼娜虽然有几十年经验，但她表示股票打和已偷笑，但对于买“砖头”，她说：“买楼我系稳操胜券。”
Manna姐现居黄埔，家中客厅对著

无敌维港景色，为买这间她心目中的Dream house，她费尽心思，“佢打紧地基我已留意住，我好想买间屋对住海，到佢起到咁上下，我叫经理带我上去睇，当时同我个仔坐啲地盘“笼䢂”上去，睇下边层靓啲跟住就买。”
陈曼娜手头上有不少物业，大部份都是十多或二十年前买下，她年轻时搏命投资赚钱，最大原动力是一仔一女，“我嘅婚姻系失败嘅，觉得对自己一对仔女好亏欠，俾唔到一个完整家庭佢哋，所以我想喺其他地方做好啲，特别系供书教学。”

陈曼娜16岁买股票，当时是黄百鸣的父亲帮她买的，“我俾佢好少钱，佢好似系买⋯⋯汇丰？我都唔清楚，可能佢氹我，但𠮶次之后开始令我对股票有兴趣。”陈曼娜很年轻已懂得积谷防饥，因为她是单亲家庭长大，住过木屋区亦住过徒置区，所以她很清楚生活艰苦的滋味，20岁她首次置业，她买第一间房子是送给妈妈。

陈曼娜当年是丽的电视花旦，不过很早结婚，可惜婚后她发现与丈夫性格不合，加上聚少离多，很快就离婚，亦因为这个原因，她非常搏命投资，希望子女有比较稳定的生活，所以在股票、物业下了不少苦功，她每天都去股票行，“由开市坐到收市？以前边有手机，股票机，真系日日落去交学费，拍戏都冇咁勤力，我系信经验，其他咩分析图表我唔识嘅，有啲朋友做庄，不过当年如果你信⋯⋯都系死嘅，其实好难喺股票赚钱，打和你已偷笑、我就见好就收，唔会“磨烂席”。”

陈曼娜对投资物业相当有信心，因为她勤力亦是审慎、长线的投资者，买楼专等跌市时出手，“戴卓尔夫人跌低𠮶期，我买咗两、三间，之后金融风暴又买咗啲。”出手前亦做足功课，她自言当年买楼，全港所有楼盘都去过，那橦楼差不多起好就去观察一下，“你估我好多钱呀？我哋买楼要好稳阵”所以她为买现居黄埔的海景楼，足足等了三年时间，“做足好多功课㗎！”

“我唔系炒楼，我系炖楼，我买完唔会话赚少少就放，我会租俾人先”所以陈曼娜自嘲是“陶三姑”，但她选租客，严紧程度拍得住“㨂老公”，她不会租给有钱人“佢话有钱但唔交租，你点追佢呀？好多租霸㗎”，她对租客精挑细选，要知道他的职业，要有粮单，甚至去见面，了解一下那个租客，“我有啲租客住咗十几年，由拍拖到结婚到生小朋友再搬走，大家都系好朋友”

陈曼娜因为懂得投资，所以生活上变得有条件，即使在TVB长期人工低依然能够生活，“TVB俾我人工低，但佢对全世界都一样，呢个系佢哋政策，食得咸鱼抵得渴，鬼叫妳自己钟意演戏咩？”但当年有“还骚”制度，就令陈曼娜一点都不好受，当时因为唔够骚，你被迫“还骚”就要乜都接，就算冇对白、有发挥的角色都要接，记得有套剧夏雨做男主角（《翻叮一族》）我，黎彼得、杨明都系茶餐厅入面啲伙记，冇乜对白，可能有一两句，其实大家为咗“还骚”，夏雨仲话‘你班友乜都唔驶讲系咁执骚，我就讲对白讲到口水干’，但其实我哋点会享受？我哋嚟演戏架麻，所以当年王维基一出现，好多台前幕后都想离开。”

陈曼娜感激人生遇到三位恩人，其中一位是王维基，她之前完全不认识王维基，有次秘书打给她约倾过档，陈曼娜记得对方好有诚意，“他开7倍人工俾我，我真系谂唔到，但最重要系佢话会揾编剧帮我“度戏”俾我，呢个系我哋做演员最想得到，所以唔驶谂即刻签约。”

陈曼娜虽然为圈中富婆，但她觉得人生最大成就是有对好生性的一仔一女，“大仔系UCLA ,史丹福，耶鲁大学毕业，佢而家喺美国做移植心脏主管，阿女就系耶鲁大学牙医博士，佢两个好生性，我其实真系冇教过佢哋，自己供书教学真系微不足道，系佢哋自己嘅努力得到今日嘅成就，佢两个令我非常自豪。”

圈中有一个传说，陈曼娜为全港第一个拥有保时捷的女人，陈曼娜直认不讳，“当年我老公送俾我嘅，我揸去返丽的拍《鳄鱼泪》，我仲喷咗只黄色，太招摇喇，后尾好似卖咗俾人。”