中年好声音2｜陈蒨葶懒理被网民人身攻击：理得你钟唔钟意我

成功晋身10强参赛者陈蒨葶今日（27/2）现身将军澳电视城出席无线歌唱真人骚《中年好声音2》宣传造势活动。一直被视为大热门的郑梓浩，竟大热倒灶在10强止步，令不少网民戥他不值，茅头直指陈蒨葶，狠批她唱功差，个子细无台型压唔住场，竟然可以顺利过关，令人甚表不满。

对于网民以上批评，陈蒨葶接受《香港01》访问时表示：“无论系点，都一定有钟意，亦有人唔钟意。但我都会睇佢哋对我中肯嘅评语，我会接受，同埋我会检讨。（有冇被人身攻击）咁呢样就一定有，但我就冇乜理过，明白做呢行我哋系要面对受众，但亦唔代表可以人身攻击我哋，我觉得任意嘅人身攻击系唔应该，我系唔会接受。但通常我系选择唔理佢，反而我会好多谢佢哋，起码因为我，佢哋先去讨论我，我系开心嘅。最梗要系讲我，我理得你钟唔钟意我，就等同于一套剧咁，做奸角，出到街都畀人闹嘅，咁就即系成功啦。咁所以我就系呢种心态去面对所有对我嘅攻击。”