李龙基连日探未婚妻王青霞Chris 8大必学情深金句堪称教科级
李龙基与未婚妻王青霞（Chris）的事件堪称是2024年年头最具“花生度”的娱乐圈事年。早前王青霞（Chris）涉逾期居留、使用虚假文书等六项控罪被关押于大榄女惩教所，且不获准保释，而爱“妻”深切的李龙基回港后，每日都前往探望。
"冇讲过话我将七层楼畀咗佢"
1月14日，《01娱乐》刊出基哥与Chris的独家专访，访问中李龙基表示名下7层楼未有转名Chris。“我而家好老实咁讲，我从来冇讲过话我将七层楼畀咗佢，我从来冇讲过，系佢哋唔知喺边度收到风返嚟。”并直言没有被骗家产。
2月中，有消息指Chris涉逾期居留、使用虚假文书等六项控罪被捕，爱“妻”深切的李龙基急急脚从内地赶回香港，不过Chris未获准保释，所以连日来基哥就到惩教所探望。
"呢单案胜算就冇乜㗎啦！"
“探监”第一日，基哥受访时金句连出，被问到对未婚妻案件的胜算，他表示：“其实呢单案胜算就冇乜㗎啦！尽量减轻，胜算就冇，因为律师都同我讲，证据都好确凿，啱啱Chris同我讲证书就真系俾人呃，佢真系畀咗钱去考呢个飞机牌，点知郭小祥就畀咗假嘅证书佢，佢就觉得畀咗钱就系真㗎啦！”
"佢一出嚟我会同佢结婚"
受访问，基哥更说出爱的宣言，他说：“我叫佢唔好担心，我应承佢，佢一出嚟我会同佢结婚。唔好理外界讲乜嘢，我知道佢系真心，希望佢经过呢个教训，我相信佢之后唔会有啲咩事再欺骗我。”
"我当住蓝天白云发誓..."
更再次重申没有被Chris骗财，他说：“我当住蓝天白云发誓，我同佢咁多年，我识咗佢咁多年，从来冇喺我身上揾过任何钱，呢个绝对嘅！只不过我啲钱摆喺度，要买𩠌要买乜嘢咪攞啰！佢唔会攞多，有时候一万或二万，最多都系一千几蚊。咁多年来如果佢真系为咗我嘅钱，唔会发展到今时今日。”
"始终都系失去咗自由，心情一定唔好"
翌日，基哥再次前往探望，金句一样不会少。李龙基接受《香港01》 访问透露未婚妻心情，他表示：“都系冇计㗎啦，始终都系失去咗自由，心情一定唔好，理解嘅！”
现阶段是否会停工，他说：“昨日都讲过签咗约收埋订𠮶啲，𠮶啲我就唔会停工。若然冇嘢做，我会朝朝早嚟探监。最低限度都俾佢有心灵嘅安慰，每日都见到个未婚夫，我相信对佢帮助好大。”
提到未婚妻目前还有什么需求，他突然爆喊：“其实都冇乜喇，佢希望我自己照顾好自己啦，我会嘅、点解呢⋯⋯（突然悲从中来）我⋯⋯我⋯⋯我会妳放心，因为我知道⋯⋯如果我冧呢⋯⋯就好难帮到嘅，我唔会冧，我会好好咁保重自己。”
"佢尽力希望留喺我身边，多一分多一秒都好"
访问中，基哥亦隔住镜头为Chris的行为解释，他说：“呢个只系我估，未必系真。疫情开始之后就死火了，佢上去14日，落返嚟又14日，咁佢就谂歪咗了，佢就谂有咩方法可以逗留喺我身边，因为佢成日都系咁讲，即系我年纪都大啦，大吉利是讲句，我唔知听日咩事，分分钟听日或后日走咗都唔定，所以佢尽力希望留喺我身边，多一分多一秒都好，我觉得就系呢个原因就会谂埋晒啲旁门左道，间接之中，可能都系我累咗佢都唔定。”
第三日，基哥亦为爱妻Chris带了不少物品，亦透露了Chris在惩教所的情况。他说：“其实喺呢度买，因为佢有规矩，所以唔买得太特别嘅嘢，洗头水同漱口水之类。带咗本书仔俾佢睇，希望佢洗涤心灵。”据知今天李龙基为未婚妻悉心准备的书籍是 《笠翁对韵》，这是明末清代文学家李渔创作的文集。
"返到去洗衫挂衫冇人去理，一个人喺屋企⋯"
谈到自己的近况，基哥就表示一个人生活很不好。他说：“系⋯系⋯系⋯系⋯因为平时两个人系有倾有讲，屋企好多嘢都系佢处理，咁而家返到去洗衫挂衫冇人去理，一个人喺屋企⋯⋯不过唔紧要，相信挨过呢后日子会好好。”
"对唔住，因为佢系细路女嚟"
说完，他又代Chris道歉：“我觉得唔可以怪责任何人，若然自己真系做咗，就要承担，相信呢一次教训都好大，希望佢重新做人，唔好再犯以前嘅嘢。我代表佢向《香港01》道歉，讲声对唔住，对唔住，因为佢系细路女嚟，真系细佬女嚟。佢好多时嘅谂法未必同我一致，咁所以好多嘢佢同我系冇嘢讲嘅，咁变咗我都唔知。我喺呢度代表阿Chris同《香港01》讲声对唔住。”
前三日，基哥都会停步接受传媒访问，每次访问亦会详谈近十分多钟。不过到了第4天，他就一反常态，见到大批记者追访时，只留下短短4个字。有记者问到：“元宵节有冇好多话题倾 ？元宵节有冇讲啲特别说话？”他二话不说：“冇呀冇呀！早啲返去瞓啦，攰啦！你哋（记者）。”随后驾驶座驾离去。