亚洲超星团｜丁子朗撑比赛专业　未听过有内定名单：公道自在人心

TVB综艺节目《亚洲超星团》上星期六（17日）播出第三次公演舞台，当中丁子朗与香港区的7名代表区珀豪、冼靖峰、张镐濂、文佐匡、黄星绰、余宗遥及方玉亨组队表演《初恋》这个舞台。表演获得导师Rain大赞，但可惜还是在比赛中落败，虽然失败了，但仍然得到不少的掌声。

丁子朗昨日（22日）出席一个乳酪品牌活动接受《香港01》访问时，被问到于比赛中落败不少网民都为他们感到不值，他表示已经尽力：“咁当然我哋系好渴望去赢，我唔开心嘅因为见到我哋嘅队员，譬如亨亨佢哋，真系会匿入厕所度喊，因为觉得我冇赢过，好想一齐赢返次。其实我自己个人嚟讲系ok嘅，见到佢哋咁上心，我就觉得作为哥哥都好想带领佢哋一次叫做赢返次，但奈何结果都系未必得，咁但系出到嚟网民嘅效果都好似几好咁。”他觉得这个舞台得到大家的喜欢及认可非常重要，而播出的时候，方玉亨的妈妈欧阳妙芝亦有关心他们。

而被问到之前播出的版本他们有没有看过时，他则说之前没看过，只有看过回放，“过镜”后的片段是播出才看到：“坦白讲我同Archie都有谂过，如果我哋真系赢咗嘅话，第一时间系台上面揽住大家，觉得自己做到。虽然冇咁嘅机会去呢件事，但如果佢最后成团，希望都可以为佢拥抱。”他们经过多月的相处及合作，已经成为感情很好的兄弟。而被问到是否已经知道18强的名单时，他就表示并不知道完整的名单。

至于早前网上有18强的名单流出，更指其实比赛结果是内定，丁子朗就表示没听过这一件事：“我又真系冇听过呢样嘢㖞，坦白讲节目组我或者其他嘅朋友嚟讲都非常之公平，同埋都系一个好专业嘅比赛。我参加过香港先生啊，冼靖峰同Hugo佢哋参加过声梦传奇啊，咁我哋都系嚟自唔同嘅比赛，再嚟呢个比赛对呢个机制大家都唔陌生。”丁子朗就不觉得节目组有优待这一个点，亦觉得今次的比赛很专业。

提到网上流传冠亚季军已经有内定人选时，丁子朗质疑说：“呢啲真系冇听过㖞，其实票数嘅嘢都好公开㗎嘛，虽然我唔系好肯定个赛制系乜，但现场观众投票都应该系好大嘅百分比嚟。”丁子朗觉得应该要先留意参赛者的表现，不应过分放大内定名单这个话题。

而有指节目组曾经偷偷在网上放出危险名单，等于呼唤粉丝快为自己喜欢的偶像“课金”支持，丁子朗则说没有留意到此事，他亦比较少浏览官网，每次他到官网亦只看自己的东西：“听都冇听过，系唔系网传，啲人以讹传讹自己作出嚟？”丁子朗叫大家不要多想，他觉得可能是节目组太爱锡一班参赛者：“觉得佢哋好危险啦，希望fans会畀多啲爱佢哋。”他再三强调从来没听过此事。

至于丁子朗被问到会否觉得自己被淘汰都是内定结果时，他就笑着说：“咁我又真系冇谂过嘅，好似我啱啱咁讲，我感受到嘅一切都系好专业嘅制作团队。我又唔觉得你所讲嘅内定，咁好难因为你所讲嘅定内而扼杀咁多位练习生的努力。”他提到每一个练习生都很努力去做好每一个舞台，不可以因为内定两个字而埋没了他们日以继夜练习的成果。他续说：“如果佢好辛苦做多啲嘢出嚟，大家都话佢原来系内定嘅话，咁对佢哋系唔系公平嘅事实。公道自在人心，佢哋会见到。”