李龙基称王青霞多次拒离港　不怀疑被妒忌遭针对︰有啲人比较得闲

艺人李龙基未婚妻王青霞（Chris）因涉嫌两度违反逗留条件以及有关两间学府的虚假文书等合共6宗罪，现还押中。李龙基今（21日）急返港赶往惩教所探望，期间更一度担心落泪。

王青霞曾多次拒离港

李龙基未婚妻涉逾期居留，李龙基提到王青霞多次拒一同出国，“旧年去美国，买埋佢机票，就嚟飞得𠮶阵，佢话屋企有事唔飞得，咁我取消咗佢𠮶张机票，我自己一个飞去美国。𠮶阵我都冇怀疑佢咩事，只系信佢屋企真系有事，所以冇理佢。”李龙基补充道：“几次啦，2023年年头，2023年年中，我都飞过美加，但佢都系话有事唔跟我去。我又觉得冇事，我登台啫，好快就返，所以完全冇呢个概念。”

李龙基称有人出于妒忌针对未婚妻

问到是否有人举报，李龙基称不怀疑，并认为或有人出于妒忌针对王青霞，他叹气道：“我唔怀疑真系有人举报，我谂大家都唔只睇到大媒，仲有细媒呢，YouTuber呢，我都唔明，佢哋好似好妒忌、针对佢，成日讲佢啲乜乜，咪愈搞愈大。分分钟，呢个社会事实，有啲人比较得闲啲，所以佢写信入境处，唉！”

李龙基多谢身边人及其他人出于好意关心，担心他受骗。李龙基再度澄清，现没有手持7层楼，名下没有物业，他说：“有（人同我讲），话‘70几岁啦，守住啲钱呀！攞返𠮶7层楼。’我而家喺度再三澄清，我冇畀过7层楼佢。𠮶7层楼我系畀咗我前妻，因为我同佢离婚，我净身而出，所以我乜都唔要，畀晒我前妻，唔系佢（王青霞）嘅。物业唔系我名，系我前妻嘅。”

李龙基相信两人真心相爱，“好简单，我名下物业，钱又唔多，佢仲可以跟住我，可以证明佢唔系为着我嘅钱，为咗我嘅咩，佢只不过真系钟意我个人，我呢个性格，我钟意嘅嘢，都系佢钟意嘅嘢。”李龙基称两人性格、兴趣都投契，“我觉得都有咁嘅感觉，佢觉得揾到个Right Man。”

承诺一定迎娶王青霞

李龙基称，现时情况只能到内地结婚，又指内地生活比香港好，“若然佢出返嚟都好啦，一定会被递解出境。递解出境都好，都唔成问题，喺大陆住都好，因为我都喺大陆住咗20几年，大陆好多嘢都好好。好似我啱啱喺广州落嚟。哗，广州同香港，天渊之别呀！所以香港人一定要努力呀！”

李龙基认为由于王青霞并非香港人，故不能在还柙期间签纸结婚，但承诺一定会迎娶对方，说到这里李龙基一度哽咽道，“我一定会娶佢，所以我唔担心，边度签纸都无所谓，不过好大情况喺内地签纸。”李龙基称王青霞父母在德国，估计未知女儿遭还柙，打算先征求未婚妻意见决定是否作通知。

李龙基：我选择相信佢

李龙基称，3月尾会飞日本拍电影，工作可推则推，“如果签咗约，收咗订，就唔会推。”问到为何仍相信王青霞，李龙基表示：“我选择相信佢，我都觉得我可以改变佢。其实一个正常人，经过咁大教训，都应该反省嘅，我相信有呢个能力嘅，睇吓之后条路点走，我相信佢一定走得好，讲真佢而家仲系好后生。”

称王青霞受骗：佢真系畀咗钱去考飞机牌

李龙基称本月28日会再申请保释，与律师商讨后认为胜算不大，“其实胜算冇乜，睇吓点减轻”。早前有网民向YouTuber“无粮军师Water”爆料指，王青霞与一名名为郭小祥的中国籍男士，几年间狂开航空科技或产品公司，这些公司欠债清盘之后，王青霞又与郭小祥重开类似公司再融资，质疑有人搭鸡棚。

李龙基称王青霞从郭小祥一方取得假飞机牌，也是受害人之一，“啱啱Chris同我讲，话有张证书系俾人呃，佢真系畀咗钱去考飞机牌，点知呢个郭小祥畀张假证书佢，佢就觉得畀咗钱，即系真㗎啦！呢件系2016、2017年嘅事，我希望揾返啲资料，告返郭小祥诈骗。”又表示听闻郭小祥负债数千万已“潜水”，早已臭名远播，并欠王青霞很多钱，指对方是“罪魁祸首之一”。

李龙基及身边朋友均会为王青霞写求情信，李龙基又直言希望法官“网开一面”，“佢始终系个女人仔，佢咁讲大话伤害性都唔系咁大，佢最主要都系想成日留喺我身边，希望法官都可以体谅体谅。”问到会否劝王青霞认罪，李龙基指：“唔到佢唔认，睇吓求情𠮶方面，可以做到边度。”