古巨基大马开骚被认错系李克勤　观众：我唔知你几时唱《红日》

古巨基日前在马来西亚举行演唱会，期间佢揾咗一对年约60岁嘅情侣上台，表示想同对方倾偈继而揾下新歌灵感。男观众表示佢同女朋友小学六年级已经认识，但最近喺同学聚会再遇上于是决定喺埋一齐，男观众仲同古巨基讲：“你都算系我哋𠮶个年代，有听过好多歌。”

51岁嘅古巨基又确系男观众𠮶个年代，但佢听完之后都呆咗，仲话“我stone咗⋯⋯系呀，我系你哋𠮶年代。”之后到女观众接力，第一句就系“我唔知你几时唱《红日》⋯⋯”睇嚟呢位女观众将古巨基当成唱《红日》嘅李克勤 ⋯⋯古巨基温提对方自己系“唱《爱与诚》𠮶个，得知认错人之后，女观众即时掩面傻笑，好在古巨基都见惯大场面，不停介绍自己嘅劲典歌，最后女观众终于谂起《劲歌金曲》。