黄榕自认“零蚊经理人”爆薛影仪骚钱5位数：帮佢叫高返个价

黄榕（Gloria）今日（19/2）现身尖沙咀出席《新春卡通展派对》。被问到现时是否担任薛影仪经理人？黄榕接受《香港01》访问时表示：“可以话系挂名系，啲人都系透过IG揾我而揾佢去做嘢，因为啲人揾佢，佢唔覆人哋，变咗我而家系帮佢接嘢做啰。但我想讲我系冇钱赚嘅经理人，我系完全一蚊都冇分过，反而我系要陪埋佢去做嘢，我仲同佢讲，我系唔会要佢啲钱，因为之前啲报道成日话我帮佢接嘢，话我呃佢钱，变咗我就同佢讲，你一蚊都唔好畀我，就系咁我就做咗零蚊经理人。”

黄榕又透露现时帮阿仪接骚都有5位数：“我而家都有帮佢叫高返个价，因为佢自己开价又唔识，以前系好少钱，变咗而家帮佢开返好啲，一定会有5位数。（传你同林宝玉闹不和是否属实？）其实我都系透过阿仪先识佢，而我又唔系话去到唔啱嘅，可能见到啲新闻，你话我，我又话佢，变咗都会有令到我有啲唔开心啰，但我就冇嬲佢嘅。（之前有冇沟通？）之前系有，但而家就完结咗，大家就各自各生活。不过将来有机会可以沟通再沟通。”