中年好声音2｜古淖文甩招牌手震获93分　刘威煌唱出激情斗心归位

歌唱真人骚《中年好声音2》第十部曲《双语之歌，累积排名榜 十强隆重登场！》上半场，来到10强争夺战，一众选手战意高昂，昨晚出场的选手全线获得80分以上，最终古淖文获得93分成为全晚最高分，获得85分的陈俞霏和获得82分的郑梓浩暂时跌入危险区！

古淖文令张佳添投入至几近忘我

身为混血儿的古淖文献唱《不如不见／Desperado》，他将歌曲的广东话与英文版本完美融合，加上真挚的演出成功感动评审，最终获93分亮眼佳绩！身为“古粉”的慧娴再度化身小迷妹大嗌冧猪：“你超级投入呢只歌，好感动到我，你声音好好听，你唱《恋恋风尘》有啲震，但呢只歌你好Smooth，只能够讲咁多，冧冧猪呀！”

张佳添说：“《 Desperado》呢只歌我好钟意，咁我钟意呢只歌会挑剔啲，但我听吓听吓跟住你唱㖞，你唱英文开得好好，到你唱广东话时我谂会唔会格格不入呢？点知你又好顺咁入到去，你英文、广东话都系保持住个好靓嘅tone，呢样唔容易，搞到我唔系好为意你唱紧咩语言，我已经入咗你嘅音乐语言。”周国丰则赞淖文搣甩招牌手震：“你今晚系参加《中年好声音2》表现得最好嘅一次，你上次唱《恋恋风尘》系震到阿妈都唔认得，但你今次冇乜点震，你继续努力有机会赢到比赛呀！”

妖味浓的淖文赛前接受制作组专访，透露乐坛天后梅艳芳是其偶像：“我一路畀人感觉比较妖，其实系受到偶像梅姐影响。”淖文忆述第一次看到梅姐演出时便已深深着迷：“细个睇电视见到有个姐姐整到成头都系生果，唱歌时好风骚、好有型、好有星味，觉得好得意，懂性之后就知道呢个人系梅艳芳。”淖文又谓最敬佩梅姐的专业精神：“佢影响我最深，系佢喺舞台上面𠮶份专业，无论佢身体点样唔舒服，佢一上到台就乜事都冇，专注做好表演畀大家睇，我希望他朝可以成为好似佢咁嘅艺人！”

另一位亮眼选手是刘威煌，献唱《只愿一生爱一人／让我一次爱过够》的他一改以往风格，整个表演充满激情，最终获得92分佳绩。出名要求高的伍仲衡大赞：“I Like It，首先你要多谢队Band，我相信你唱MMO（纯音乐伴奏）冇呢个效果，你一开头𠮶句‘爱个够’，我已经想揿18分，呢个先系我认识嘅刘威煌！”

张佳添说：“见到战斗格嘅刘威煌，呢个舞台有时一战定生死，你今日打咗场好靓嘅仗，唔好畀个斗心熄。”周国丰则指刘威煌终于拿出应有真功夫：“今日嘅刘威煌令我觉得你系今日先（系嚟）参加比赛，去到尾段你再唔拎啲飞机大炮出嚟，一个不留神就会畀人Foul。”