专访｜戴耀明喺TVB试过8个月冇工开 反问自己：我啲演技真系咁差

戴耀明上年获TVB颁发三十周年纪念金牌，连他自己都意想不到，他说：“喺公司做三十年唔少，但年续三十年未走过先攞到，得我同艺训班同学张汉斌先有，时间真系好快，咁就三十年喇⋯⋯”
三十年绝对不是短日子，戴耀明演过无数角色，《义海豪情》向山达也，《EU超时任务》罗斗，他更有御用儍仔、烂仔，一拳超人的称号，虽然每一个戏份不多，但三十年演艺生涯，戴耀明绝对做到深入民心，人家叫得出名。
能够在一间机构效力30年不是易事，尤其你是配角，戴耀明没有人脉，有时要争取机会主动出击，“搲捞？搲捞系必须嘅，以前后生唔识死，真系成日上去敲监制房门⋯⋯”

不单止敲监制房门，戴耀明搲捞绝技是停车场扮偶遇监制，“演员难听啲讲系一件货品，摆喺个架，而你唔知几时先有嚟买，如果有得主动，点解唔主动？”

访问戴耀明的日子在一月底，那时他有个几月无工开，他笑指现在是“拍乌蝇”，这种“拍乌蝇”生活，30年来他试过几百次，最长试过“拍乌蝇”8个月，他说：“当你喺一间公司冇嘢做8个月，而你系出紧粮，𠮶种感觉几得人惊，而你唔知咩原因？演技差？得罪监制？行过无同佢哋打招呼？冇人知。”他以前曾试图深究原因，但当你经历无数次后，他最后决定不去想，因为这是当演员其中一样工作“等运到”。

“演员系一件货品好被动，你唔会知监制几时用你”戴耀明深明那种感受，你想急也急不来，除了机会，角色发挥也是，他被称为御用儍仔、烂仔，30年这些角色他演过无数次，他直言有做到“滑哑”“30年唔好话每年都演儍仔、烂仔，隔年你都死啦，一定会将几年前演绎方式copy再用，搏观众睇唔到，会唔会谂系咪一世演呢啲？会，演员最好玩就系演唔同角色，但当你唔够钱使𠮶阵又会算喇，咁又老实，有时内地揾你，即系外快，都系叫你做返呢啲角色嘅，呢啲又真系TVB畀你㗎喇，系咪先？”

戴耀明在剧中多演烂仔或大佬身边的小头目，有时更有几句阿谀奉承的对白，以为现实中的他一样懂得“凑老板”原来非也，“我处理人际关系可以话好低级，完全唔合格，而家见到啲新人，我都会同佢哋讲，‘几时埋去喇’‘去打个招呼啦’，但我当年唔识。”在TVB做了三十年变成“老海鲜”，高层钟意哪种招呼，当然知晓，但自己郤做不来。

没有人脉，演技不是神级，更没有偶像条件，戴耀明有的是够勇，你亦可以说是面皮厚，他不介意搲捞，更觉得是机会，“啲新人问我，无嘢做咁点？我话上去7楼搲，无所谓架，入去“咯咯”敲门，如果监制叫你走，咪走啰，你无损失架，因为佢本身都唔用你，但如果“扑中”咁就得喇㖞，好似你去沟女一样，你唔去一定无，你去沟，至少一半机会。当年我都系敲添哥（监制李添胜）房门，点知又搏到㖞。”
去敲监制房门搲捞，对好多演员来说已不是易事，但对戴耀明根本是基本操作，他的搲捞绝招是在停车场扮偶遇撞到监制放工，“以前未戒烟，咁喺餐厅出面煲烟，咁就成日都有高层呀，有时最大𠮶个都系呢条路走，我初头系唔好意思嘅，食烟见到佢哋都要打招呼架，但谂谂下，呢个系我唯一接触高层嘅机会㖞，咁咪一路食烟，一路等啰，通常佢哋都“鸡咁脚”走嘅，你就要边行边同佢倾，“最近开乜剧呀？”“记住用我㖞”，咁都试过成功架。”