【港姐2017．多图】港姐首轮引“外国势力”　加拿大Kelly Ng抢镜

一年容易又港姐，虽然今日落住大雨，但都无惧一班准港姐嘅决心，一早10点半齐集到康城集合点准备入电视城见一众评判。最特别就一定系外国势力入侵竟然有外国靓女参加，而上届获《友谊小姐》奖项的张宝儿嘅妹妹张宝欣都有份参加面试，可见（香港小姐）举足轻重嘅地位。据知，首轮面试已超过100名，下午将于电视城正式会见传媒。

摄影：林通贤 林迅景

靓女组

张宝欣  (P.s家姐都系港姐!)

张宝欣 (Boanne)就系上年夺得友谊小姐张宝儿嘅妹妹，今早都系家姐揸车接载到场。只能讲一句，同家姐饼印一样唔知会唔会系加分之一呢？Btw希望评判唔好搞错啦。

杜芷绫(Zoe) ig：totszling104

热爱做戏嘅Zoe，睇返佢嘅Instagram，都po好多自己做model同拍剧嘅相，其中一套就系《宫心计2·深宫计》，仲拉住主角刘心悠影相添。而闲时都有上workshop练下演技，仲有跟king Sir学嘢！

Nicole Wu 胡美贻  (IG:nicolewmy）

今年23岁嘅Nicole于美国加州大学尔湾分校读经济，Instagram多数都系selfie同饮珍珠奶茶相，但相信佢都系富二代，因为生日礼物系一架跑车。

Kelly Ng (IG:ngkelly_)

24岁嘅混血鬼妹仔Kelly Ng，就话自己系加拿大返嚟。IG入面都系做运动嘅相，应该系好钟意骑马。

22岁嘅Elsie Chan今年喺美国大学刚毕业，修读传理系的她现职freelance model，身材是不错的。