陈家乐相隔10年重返无线：我当自己系新人由头学过
撰文： 温菁莉
出版：更新：
陈家乐今午与黎耀祥、林夏薇等人到电视城出席新剧《逆缘》造型活动，相隔10年由电影跳返入公仔箱嘅陈家乐，今次重返TVB都笑言，“我当自己系新人，好多嘢由头学过。”
陈家乐透露自己为了接《逆缘》而推咗两部电影，原来背后原因“巧感动”系为咗嫲嫲，“因为之前专注拍电影，老人家又好少入戏院睇，成日都问我去咗边，点解唔见我，所以今次拍呢套剧就可以俾佢日日见到我。”推两部戏咪损失好大？陈家乐就话，“唔可以话系损失嘅，只系时间上撞咗。”他其后指今次要劳烦同剧演员带佢行电视城，“始终呢套系我首部长剧，拍摄过程有好多都唔系好识，可以话对呢个地方好陌生，好多谢佢哋肯照顾我。”
经常在电影饰演其他演员“阿仔”嘅陈家乐，今次在剧中就饰演黎耀祥同姜大卫嘅爸爸，佢都话好搞笑，仲话有睇两位嘅剧集。提到近年TVB剧集都被批“胶剧”，问到会否惊呢套剧同样有如此下场？陈家乐就话唔惊，“首先我睇呢套剧本好吸引我，我相信唔会有咁嘅情况出现。”