独家︱日本舞团Avantgardey四大秘密 冬菇头揈极唔甩原来靠呢样
日本跳舞女团Avantgardey近日来港表演，她们于大年初一的花车巡游汇演担任压轴嘉宾，又到商场表演跳舞，因独特形象获不少粉丝追捧。Avantgardey共有19位成员，她们由监制兼排舞师Akane一手栽培，22年出道后出战美国才艺表演选秀节目《America's Got Talent》获到极佳成绩，重新编舞的“アイドル”(Idol）爆红全球。她们凭住魔性整齐的舞蹈、搞怪浮夸表情、招牌齐荫浏海以及统一的紫色高中生制服等，令人留下深刻印象。
Avantgardey虽然今日（12日）已经搭飞机回日本，但其好友王友良就接受《香港01》访问，解构这队人气女团的四大谜思！
一：点解全部冬菇头？
Avantgardey的制服和发型都非常统一，讲到发型为何是冬菇头，王友良说：“呢个齐荫嘅头发，系由佢哋嘅排舞老师，亦即系佢哋嘅监制Akane决定，其实都冇乜特别，只系佢谂过觉得呢个发型感觉好好，所以就定咗呢个冬菇头畀佢哋去做呢队跳舞组合嘅呢个发型啰！佢哋全部都系戴假发，私底下个别有啲系长头发，有啲系短头发。（点解个假发跳舞时唔会甩？）佢哋话系施咗魔法，所以系唔会甩嘅！”
二：点解全部著高中制服？
而制服方面，全队人都划一穿上高中生制服，有如一班同班同学，王友良解释：“因为日本高中生，中学都著好多制服，呢样亦都系全世界好多人知嘅嘢，佢哋想透过呢个演出嘅舞服，希望将佢哋嘅跳舞文化带去全世界！”
三：如何甄选这19位成员？
至于如何甄选出这19位成员，王友良透露其实冇特别遴选和公开招募程序，主要都是排舞总监兼舞蹈老师Akane从身边认识的舞者中，挑选出这十多位成员去合作和组团。
四：平时要为表演彩排多久？
今次Avantgardey除了花车巡游表演外，表示：“佢哋准备一首歌，起码都要一个月左右。每一个rehearsal佢哋都好紧张，如果你讲花车巡游嘅话，佢哋个彩排时间就系佢落咗机第二日，即系年三十晚，由下昼12点到夜晚12点都喺度练习。而东港城嘅表演，佢朝早6点就去Rehearsal咗几个钟，之后先返去酒店休息，再出发去现场，所以真系好专业、好勤力！”