黎彼得亲揭《财神到》红足46年背后故事 竟同呢位TVB一姐有关
一年容易又新年，《财神到》这首歌响遍大街小巷，许冠杰（Sam）以调皮唱腔唱出“财神到、财神到，好心得好报；财神话、财神话，揾钱依正路。”唱出多少香港人新一年对财富的盼望。“一代鬼才”填词人黎彼得在龙年接受《香港01》访问，亲揭《财神到》背后故事。
嫌其他贺年歌“老土”激发创作《财神到》
《财神到》1978年发行，收录在同名专辑内，由昔日黄金拍挡许冠杰作曲、黎彼得填词。红足46年，黎彼得形容如《浪子心声》一样是“奇迹”。当年推出贺年歌，原来是源于叛逆性格，“突然间过年，咪整只新年歌咁啰！系同Sam倾嘅，因为觉得汪明荃啲新年歌老土呀嘛！所以咪整首比较新意啲㗎啰，点知Last到而家。”
黎彼得当时认为，其他贺年歌词太“千篇一律”，他说：“咩‘年又过年’、‘你听锣鼓响一片、声声送旧年’，太过粤曲，好老土，唔好听；有啲‘文千岁’更加广东小调啰。”是否又是同许冠杰在家中埋头苦干创作名曲？黎彼得称不记得，“唔记得喺屋企定街啦，我哋周不时揸车周围去度。”
红足半世纪归咎新作不及旧作
一首即兴之作，红足近半世纪，也出乎黎彼得意料之外，他认为是新创作不及旧作之故，“因为新𠮶啲唔得嘛，如果新𠮶啲流行呢，我哋呢啲旧𠮶啲收档啦，一代新人胜旧人。”《财神到》至今仍为黎彼得带来版税进帐，问到数目，与许冠杰一人一半拆帐后，黎彼得称不多，“都有嘅，都唔多啰，噏唔出（数字），我畀个正确嘅钱你呢，你都唔信啰，你会‘吓，咁少？’”至于《财神到》红了后，许冠杰有没有封大利市给他？黎彼得云淡风轻带过，“呢啲好小事啦，冇咁老土。”
黎彼得叹如今转数慢，灵感不及后生时来得快，未必会再写歌；他又谓二次创作没有价值，“好似阿仪首‘123’（《一加一等于阿仪》）、同尹光哥哥咁，整完咪得啖笑，点会流行呀？”黎彼得笑言，如果有人投资先再考虑写歌，“如果杨受成打俾我咪写啰！往事只能回味啦。黄子华做咗神啦，唔系咪帮佢写啰！哈哈！”