《中年好声音2》12强名单诞生！刘可大魔王出局 肥妈感动到喊

歌唱真人骚《中年好声音2》，初二晚播出第九部曲《陈慧娴金曲赛 喜气洋洋贺十二强！》下半场， 有肥妈、伍仲衡、张佳添、周国丰和陈慧娴担任评审。经过一轮激战12强正式诞生，越唱越强的谭辉智获得93分第三度获得MVP，王玥和刘可被淘汰。

肥妈感叹三十几年冇同屋企人过年

实力唱将谭辉智献唱《归来吧》，辉智凭住真摰的歌声将曲中的寂寞、委屈和思念等情感发挥得淋漓尽致，肥妈被他感动得毛管戙兼爆喊，最终辉智获得全集最高分93分，张佳添更献出首个20分。对于辉智演出，慧娴大赞：“你系后起之秀，成为四大天王其中一位！你呢个男仔Version我好满意，呢只歌好难唱，但你完全挥洒自如。”肥妈讲评语时再度落泪：“我哋成日出去做嘢，除咗疫情，我三十几年冇同屋企人过年，佢唱出咗𠮶种感觉（离乡别井），我嘅感受比任何人都深，你唱时我已经喊同毛管戙。”

献出20分的张佳添说：“你将我第一次嘅20分攞走咗，畀你Touched到，无论系你嘅声线定系表情，感受到好想家嘅感觉。”周国丰笑言：“点解你靓仔咗咁多，又偶像又有实力。”勇夺93分的辉智最终第三度获得MVP，负责颁发MVP的慧娴说：“佢令我好Surprise同估唔到，佢将一只女仔歌变成咁费玉清！”内敛的辉智笑言：“想多谢Rita老师（韦绮姗），人生第一次学唱歌就系Rita老师教，学咗好多嘢，同埋多谢添Sir畀咗20分，我惊今晚瞓唔着。”

14名选手演出完毕后，同样获得79分的刘可和陈蒨葶、以及获得75分的王玥留在危险区，王玥因为获得最低分关系毫无悬念被淘汰，刘可和陈蒨葶“边个有得留低”则要评审团退庭商议，最终刘可被淘汰，宣布结果的张佳添坦言：“呢个绝对系好困难好痛苦嘅决定，都有啲伤感，要离开嘅系刘可，由第一集你畀到我哋惊喜，到中间畀到啲好正、有啲争议性嘅演出，其实你系一个真正嘅Artiste，你要继续唱歌，唱多啲好歌。”

而被Foul的刘可未有太大伤感，继续保持正能量，他说：“好庆幸企喺呢个舞台，始终我太耐冇唱喇，咁多位都好犀利，呢一刻我都好开心，唔系好伤感。今次最开心系可以见到陈慧娴老师，虽然今次呢只歌唱得有失水准，但好想同你讲你系我毕生嘅偶像，最后仲要多谢我嘅屋企人、Fans同埋朋友，系我最大嘅Back Up。”

《中年好声音2》12强名单

12强名单正式诞生，分别是（排名不分先后）：
郑梓浩、陈俞霏、陈蒨葶、林若盈、安雅希、颜米羔、沈宗贤、陈燕娜、古淖文、黄剑文、刘威煌和谭辉智。