专访｜曾比特上《声生不息》系工作高峰：呢个机会唔系人人都有
电影《临时劫案》是龙年的贺岁片，由郭富城、任贤齐、林家栋及张可颐等人主演，而曾比特亦是剧中的一员，第一次拍电影的他在戏中饰演一位名叫“大头”的小混混。曾比特接受《香港01》专访时表示这个角色很有趣，电影中的他与现实的他落差的确挺大的，戏中他饰演一个贪生怕死的小混混。
曾比特提到戏中的“大头”到底是一个怎样的人：“佢系一个比较贪生怕死嘅古惑仔，做过最大嘅坏事就系应该喺泳池偷人哋银包。”他还开玩笑的说今次会在电影中多个一个角色就是“死尸”：“因为我会畀人打死嘅，而打死我嘅就系我哋天王郭富城啦。”郭富城在戏中饰演悍匪，同时亦是他首次出演这类角色，他的形象跟过往亦有分别，为演活穷凶极恶的模样。
首次拍戏的曾比特体会到演戏跟过往的唱歌及主持不同：“拍戏真系另一个世界，因为你要去理解一个剧本，用另一个唔同嘅角度啦。因为唱歌可能系用自己嘅角度，但你做一个角色呢，要将自己抽空先可以融入到一个角色，所以对我嚟讲都几大挑战。”
第一次拍贺岁片会觉得比较轻松易拍吗？
曾比特表示一开始导演没有说是贺岁片，而是一部黑色幽默的电影：“但黑色幽默𠮶个唔系我，我系负责死，我𠮶part其实好认真㗎，我记得好难。因为去到𠮶个位我要畀城城打啦，跟住打完我就要报仇啦，咁报仇完我要畀佢打死啦，咁其实我个角色呢就好沉重嘅。”所以他就说自己应该是这么多人之中最难的一个，因为自己的戏份都是比较认真的一个。
戏中除了郭富城外，还有和其他演员一起演戏吗？会有压力吗？
曾比特忆述戏中他只与郭富城有对手戏：“其实冇，净系得城城，同埋Ansonbean啰，Ansonbean系我兄弟，我哋两个系由细识到大，我有啲咩工作都会叫埋佢一齐。”他更透露一开始是奔向Ansonbean所饰演的角色，因为戏中的李嘉威（Ansonbean 饰演）与他自己本身的性格很相近。曾比特说到与郭富城一起拍戏会不会有压力时，就说到一开始会有紧张：“一来人生第一次啦，二来第一次拍戏就面对咁大卡士嘅影帝，咁我谂任凭边一个都会紧张。第三就系我要扮死尸，咁我人生嚟讲都冇乜经验系扮死尸，咁所以呢场戏对我嚟讲挑战性都真系好大。”曾比特说幸好当时导演他们肯指导他，他说自己一个镜头也拍了很多遍，因为自己对拍戏的节奏及状态还未能拿捏得很准确。
曾比特对于首次尝试拍戏之后演技有否进步，他说：“我觉得系一个新尝试，亦都希望可以再多几次尝试，我觉得拍完之后好似比较知道拍戏系咩一回事。你有冇话进步咗呢？我觉得今次呢个角色比较side啲，角色嘅重任比较多，不过的而且确佢系比较短嘅，所以我希望下次可以挑战啲长少少嘅。唔好话担正先，尝试吓唔好死住，即系生存得耐少少我就开心㗎啦。”
至于票房方面，他则表示不担心与其他贺岁片对撼：“我唔担心嘅，题材唔同啊嘛，同埋个风格大家都好唔同。我以前细个睇贺岁片，一年有三套到嘛，我都睇晒嘅，咁所以我都唔担心嘅，大家喜欢嘅就应该会唔同嘅题材都会去睇。”而大家都知道曾比特最厉害的是唱歌，但今次却没有参与主题曲，他说今次要专心做演员。
入行后，有没有曾经经过过低潮？
曾比特入行第3个年头，他说自己经常有低潮的时间：“一定会有咁样嘅事情发生，咁我觉得最紧要系，都系𠮶句，心态决定境界。好多嘢系睇你点睇，因为我其实有段时间我自己都几睇唔开，自己个状态起码有几个月系好差好差，𠮶个差嘅差度系觉得哗，点解咁样啊，又未到终日以泪洗脸嘅，但不过个人会好颓。”他觉得即使身边有多少人安慰自己，但最后还是要自己来站起来，但就不愿再提起是为什么事情。
曾比特觉得：“每个人都有佢嘅低潮或者唔顺畅嘅地方，无论工作又好定感情又好人生点都好，一定总会有。有阵时你个低潮可以去到好低好低，但永远都系一个低潮期对你嚟讲可能系一个装备嘅好时机，因为你永远唔知几时会反弹，所以就唯有转一个角度睇啰。”
至于怎样渡过低潮？
对于面对低潮，曾比特说幸好有女朋友陪伴在旁：“人系一个群居动物嚟，好难独自去面对所有嘅问题，我觉得都好多谢佢成日都会鼓励我。”除了女朋友外，曾比特亦说要多谢家中的狗狗，在自己低满时，与牠相处亲近了不少。他觉得于低潮时是自己不懂得怎样去看这个世界：“我唔识得点样去面对自己，或者点样去面对周边嘅嘢。”他指最后其实还是回到起点是要看自己是怎么的一个心态，这个时间会令自己变得更好。
之前在内地参加节目，算不算是人生的高峰？
早前他参加了内地节目《声生不息》，人气立即翻倍，瞬间在网络上热爆，他也觉得这个时间算是他的高峰：“我觉得系嘅，毕竟一来呢个机会唔系人人都有，我多谢当时节目组畀咗呢个机会我，亦都好照顾我，人生路不熟，好多嘢真系唔识，好多嘢亦都唔知嘅时候佢哋畀咗好多建议我。”当时由没人认识到多人认识，他感谢有这个节目令到更多人认识他。
“爆炸头”是曾比特的记忆点，对于发型，会否想作出改变时，他就考虑了一会说：“我真系有谂过嘅，亦都真系有尝试拼过嘅，但仲未揾到一个好衬我嘅发型。”他更说曾经考虑极端一点点：“一系就光头，但好似太极端得滞，如果我谂到会话畀大家知。”他指害怕太极端会吓怕粉丝，因为觉得自己不论短发还是长发都不好看，所以暂时还是先留著爆炸头。
一出道是歌手的他，最后已经开始参与电影当演员，被问到会否有兴趣参与拍电视剧时，他对此不抗拒：“我觉得机会嚟到就可以尝试吓，我自己个人唔抗拒，亦都希望可以尝试吓。我自己以往都有要求过，我有话想尝试唔同嘅方向，拍戏拍剧咁样，我都有同公司提过。”他希望可以多方面发展，做一个全能的艺人。
Credit：
Styling by Ray Fu @ Créer Styling
Make up and hair: Yaku
场地提供：Meowtini Cat cafe & Bar